Stephan Selhorst

Stephan Selhorst, schilderije uut 1976 deur zien zusse Pientia Selhorst

Stephan Selhorst (Rietbarg, Westfalen, 30 augustus 1913 - Raosfeld, ok daor, 31 december 1976) was een Duutse keunsthistoricus die gaanks was mit monumentenzörg. Hij was perfester in de keunstgeschiedenis en in de ontwarptheorie an de Vakhogeschoele Mönster.

Selhorst was betrökken bij de Nedersaksische Beweging, een riege initiatieven in de jaoren vieftig um 't Nedersaksisch uut te bouwen as cultuurtaal. Bij dizze initiatieven warkten Nederlaandse en Duutse platpraoters en regionalisten in de maande. In 1965 wördden in Stad 't literair-culturele tiedschrift Weerwoord opezet. Ien van de initiatiefnemers daorvan, de taalkundige en taalveurvechter Arnold Rakers, kwaamp nog véur 't verschenen van 't eerste nummer onverdachts uut de tied. Wegens Rakers zien aoverlieden kwaamp Selhorst vanof 't tweede nummer bij de redactie. Nao vier nummers scheidde Weerwoord dermit uut.

Literatuur

• Hendrik Entjes (1980), 'Stephan Selhorst 1913–1976', in Grenslandontmoetingen/ Grenzlandbegegnungen, nr. 4, Buorken: Arbeitsgemeinschaft/Culturele Grenscontactencommissie Achterhoek – Westmünsterland / Wilh. Rehms & Co.
• Helmut Lensing (2020), 'Die Niederdeutsch-Bewegung nach 1945 in den Regionen Grafschaft Bentheim, Emsland und Ost-Niederlande', in Osnabrücker Mitteilungen. Mitteilungen des Vereins für Geschichte und Landeskunde von Osnabrück (Historischer Verein), diel 125, Ossenbrügge, pp. 91-116

Dit stok is eschreven in 't Zuudwest-Drèents.