Standaard Skriefwieze
De Standaard Skriefwieze is ne skriefwieze vuur et Tweants. Goaitsen van der Vliet oet Eanske hef et oetdacht.
De Standaard Skriefwieze is baseerd op de eerste skriefwieze van 'n Kreenk vuur Tweantse Sproake (KTS) oet 1982. Hee is doarmet luk fonologischer as de latere (1997 en 2009) skriefwiezen van de KTS. Hierduur is der völle ruumte um plaatselike verskillen good wier te gewen (as de leazer op de heugte is met Nederlandse spellingsrichtlienen).
Anders as in de hudige KTS-skriefwieze dut de Standaard Skriefwieze de oetgänge van warkwöörde vasteplakken an 'n stam. Weurde as wearken en lopen wördt dan skreven as wearkn en loopn.
Ook hef de Standaard Skriefwieze hoaste gin hoge komma's, behalve op steas woeras et neet anders kan. Reduceerde lidweurde as 'n en 't wordet skreven as n en t. Saamntrekkiges wordt met nen hogen komma wier-egewen: kö'w (köant wie) en goa'j (goa iej).[1]
Gebroek
[bewark | bronkode bewarken]In alle Twentse zaken wat Van der Vliet oetgeven hef onder ziene oetgeverieje De Oare Útjouwerij skrif hee de Standaard Skriefwieze vuur.
Bekendere skrievers dee de skriefwieze gebroekt of gebreuken zint of warren Willem Wilmink, Gerrit Klaassen, Gerrit Lansink, Frank Löwik, Theo Vossebeld en Bennie Sieverink.
Nöast Van der Vliet zien Dialexicon (een digitaal weurdebook Nederlands en Twents), en et Twentse literaire blad De Nieje Tied, zint ook op disse Wikipedia verskeidene artikels in disse letterzetting te vinden, zoas Beantel en Fleringn.