Knief

n Knief of mes is n skoarp vuurwoarp det besteet oet n haandgreep en snieblad (n Kleenk). n Knief is n gerei de'j gebroekt um te sniedn of te stekn. t Knief is ongeveer 2,5 miljoen joarn oold. t Hef in völle kultuurn ne tradisjonele en religieuze bedoolige.

In t Tweants beteeknt knief rechtevoort mear knipmes, en is dus neet mear zo algemeen in gebroek.

Geskiedenisse

De euldste kniewe warn stuks steen dee at skoarp eslepn warn, meestieds van wat hertere soortn steen zo as obsidiaan of veursteen. Later, in t paleolitisch tiedperk, gung de Homo habilis de kniewe ook oet aandere materiaaln maakn, zo as oet been of hoolt, mear dit warn gin doerzame materiaaln, woerduur dee de tied neet hebt duurstoan. Pas 5000 joar terugge, toew at de leu wat mear verstaand van metaalmaakn kreegn, wördn de kniewe van kopper, broons, iezer en oeteandelik stoal. De eerste metaaln kniewe warn tweeziedige dolkn, dee at op de vrogere veursteenkniewe leekn. De eerste eankelziedige kniewe kömn pas in Europa] in t midln van t broonzn tiedperk. Disse maakn de dolkn neet mear neudig, dee at toew toch al töt zwoard warn oet egröaid. Kniewe van rechtevoort wordt van oeteenloopnde soortn dubbelmetaaln en allooin emaakt, zo as karbonfiber, keramiek en titanium. Dr is ne slim aktieve groep van kniefmakers en -verzamerders, dee at zik dage köant vermaakn met t oetdoktern van nieje metaalallooin. In Amerika he'j zelfs ne woapnsmidverenige: de American Bladesmith Society.

Nedersaksisch

• Tweants:
  • knief
  • mes
• Veluws:
  • mes (kniepmes of knieftmes veur een 'zakmes')