Knief

Uut Wikipedia, de vrye encyklopedy
Knief

n Knief of mes is n skoarp vuurwoarp wat besteet oet nen haandgreep en n sniejblad (de kleenk). n Knief is n gerei wa'j gebroekt um te sniedn of te stekn. t Knief is ongeveer 2,5 miljoen joarn oold. t Hef in völle kultuurn ne tradisjonele en religieuze bedolige.

In t Tweants beteeknt knief rechtevoort mear knipmes. t Woard is hoaste verdrungn duur t noar t Hollaands niegnde "mes".

Geskiedenisse[bewark | bronkode bewarken]

De euldste kniewe warn stuks steen dee at skoarp eslepn warn, meestieds van wat härtere soortn steen zo as obsidiaan of veursteen. Later, in t paleolities tiedperk, gung de Homo habilis de kniewe ook oet aandere materiaaln maakn, zo as oet been of hoolt, mer dit warn gin doerzame materiaaln, woerduur't dee de tied neet hebt duurstoan. Pas 5000 joar terugge, toew at de leu wat mear verstaand van metaalmaakn kreegn, wördn de kniewe van kopper, broons, iezer en oeteandelik stoal. De eerste metaalne kniewe warn tweeziedige dolkn, dee't op de vrogere veursteenkniewe leekn. De eerste eankelziedige kniewe kömn pas in Europa in t midln van t broonzn tiedperk. Disse maakn at de de dolkn neet mear neudig warn, dee't toew toch al töt zweard warn oet egröaid. Kniewe van rechtevoort wordt van oeteenloopnde soortn dubbelmetaaln en allooin emaakt, zo as karbonfiber, keramiek en titanium. Dr is ne slim aktieve groep van kniefmakers en -verzamerders, dee at zik dage köant vermaakn met t oetdoktern van nieje metaalallooin. In Amerika he'j zelfs ne woapnsmidverenige: de American Bladesmith Society.

Nedersaksisch[bewark | bronkode bewarken]