Ysselakademy-spelling

De Ysselakademy-spelling (in de skryvwyse selv: Iesselakkedemie-spelling) is een spellingsrichtlynde dee untwikkeld is vöär et Sallands (en et noordwestoaverysselsk) en et oustveluwsk. As basis vöär disse spelling is de neaderlandske spelling eköäsen, ümdat der vanüüt egån wördt dat ydereyne dee streaktaal wil skryven ouk neaderlandsk kan skryven, dan wördt et ouk makkeliker üm et gauwer an te leyren. Schryvwyses as schriemm (skryven) of oe:mm (hoven) sül jy düs neet teagenkummen. De Ysselakademy-spelling likt årdig up de SONT-spelling, up een pår punten nå, byvöärbeald: hontien in plaatse van hondtien en et underskeid tüsken de klanken ä [æ] (völt in SONT under e, in verkleinwoorden ä) en ää [æː] (völt in SONT onder ae).

Letters en kombinatys

Klinkers

Nåst de a, aa, e, ee, i, ie, o, oo, u, uu, y, en de gebrükelike neaderlandske tweyklanken heb jy under andere:

Klank	Upmarking/vöärbeald	IPA
ä	dät, kämpien, därde	[æ]
ää	äärde, määl	[æː]
èè, è	algemeyn gebrüük - in oapen lettergreape èè, in eslöäten lettergreape è, bv. sprèèk/sprèken	[ɛː]
ae	deselvde klank as èè, gebrüken se allinnig in de Kop van Oaveryssel of Zwolle, in woorden as tael en verhael	[ɛː]
ö	lös, jörksken, ehöngen	[ɶ] of [ɜ]
öö	strööltie(n), löög	[ɶː] of [ɜː]
ao	praot, verhaol, aover, kaoken	[ɔː] of [ɒː]*
i'j	wi'j, bi'j, ni'j	[ɪʲ]

Meadeklinkers

Krekt so as se in et neaderlandsk binnen.

Üütgånde verwysing

• IJsselacademie.nl: spellingsbrochure

Dit artikel is eskreaven in et sallandsk, in de Nysassiske Skryvwyse.