Floams Broabant

Floams Broabant
Vlagge van Floams Broabant	Wapen van Floams Broabant
Informasie
Heufdstad	Leuven
Geografie en bevolking
Oppervlak	2.106,13 km²
Inwoeners - Bevolkensdichtte	1.044.133 (1 jannewoari 2006) - 496 inw./km²
Koordinaten	50° 55′ N, 4° 35′ O
Webstee www.vlaamsbrabant.be

De provìnzie Floams Broabant (Floams: Vlaams-Brabant, Frans: Brabant Flamand), mit as heufdstad Leuven, is ain van de tien provìnzies van Belgie. Zie is de jonkste en ook de klainste van de vief Floamse provìnzies. De belaangriekste steden binnen Leuven, Vilvoorde, Halle, Tienen, Diest en Aarschot.

De provìnzie Floams-Broabant het n laankrekde vörm en is van oost noar west tou sikkom 90 km laank, en van noord noar zuud tou sikkom 40 km (ien vogelvlucht). Floams-Broabant bestaait oet 65 gemaintes, woarvan 30 in t arrondissemint Leuven en 35 in t arrondissemint Halle-Vilvoorde, dat as kaisomschrieven bie Europese of federoale verkaizens of as gerechtelk arrondissemint nog n gehail oetmoakt mit t Bruzzels Heufdstedelk Gewest en din bekind staait onder de noam Bruzzel-Halle-Vilvoorde.

Ontstoan

De provìnzie ontston deur de olle provìnzie Broabant te splitsen bie de toalgrins laangs ien n Floams dail (Floams Broabant), n Woals dail (Woals Broabant) en t aan de iendailn ien provìnzies onttrokken Bruzzels Heufdstedelk Gewest. Dizze schaaiden von stee op 1 jannewoari 1995. De provìnzie Floams Broabant heurt tot t Floams Gewest, de provìnzie Woals-Broabant tot t Woals gewest. t Bruzzels Heufdstedelk Gewest wordt volledeg omsloten deur Floams-Broabants grondgebied.

Toal

De offisjele toal is t Nederlaands, met oetzöndern van verschaaidene fasiliteitengemaintes om en bie Bruzzel en laangs de toalgrins woar Franstoalegen toalfaziliteiten genieten. De lèste tientallen joaren vestegden der zok nait-geringe aantellen immigranten en boetenlaanders. De groep ienwiekelens vaalt sosjologisch en demogroafisch oetain ien vijer grode groepen: (1) Nederlandstoaligen dij dichter bie heur waark ien Bruzzel kommen wonen of dij juust oet Bruzzel votgoan, (2) Franstoalegen, ook ôfkomsteg oet Bruzzel en ook oet Wallonie, (3) Noordamerikoanse en EU-börgers, waarkzoam veur internaasjonoale bedrieven en Europese instèllens en maisttieds hier veur enkeld verschaaide joaren, en (4) Noord-Afrikoanse en Törkse immigranten, dij oft ook eerstens ien Bruzzel woond hebben.

t Lokoale dialekt is t (Zuud-)Broabants.

Arrondissementen

• Leuven
• Halle-Vilvoorde

Gemainten in Floams Broabant

Gemainten met een stadstitel hebben (stad) aachter heur noam stoan

1. Aarschot (stad) 2. Affligem 3. Asse 4. Beersel 5. Begijnendijk 6. Bekkevoort 7. Bertem 8. Bever 9. Bierbeek 10. Boortmeerbeek 11. Boutersem 12. Diest (stad) 13. Dilbeek 14. Drogenbos 15. Galmaarden 16. Geetbets 17. Glabbeek 18. Gooik 19. Grimbergen 20. Haacht 21. Halle (stad) 22. Herent 23. Herne 24. Hoegaarden 25. Hoeilaart 26. Holsbeek 27. Huldenberg 28. Kampenhout 29. Kapelle-op-den-Bos 30. Keerbergen 31. Kortenaken 32. Kortenberg 33. Kraainem

34. Landen (stad) 35. Lennik 36. Leuven (stad) 37. Liedekerke 38. Linkebeek 39. Linter 40. Londerzeel 41. Lubbeek 42. Machelen 43. Meise 44. Merchtem 45. Opwijk 46. Oud-Heverlee 47. Overijse 48. Pepingen 49. Roosdaal 50. Rotselaar 51. Scherpenheuvel-Zichem (stad) 52. Sint-Genesius-Rode 53. Sint-Pieters-Leeuw 54. Steenokkerzeel 55. Ternat 56. Tervuren 57. Tielt-Winge 58. Tienen (stad) 59. Tremelo 60. Vilvoorde (stad) 61. Wemmel 62. Wezembeek-Oppem 63. Zaventem 64. Zemst 65. Zoutleeuw (stad)

Boetende hinwieze

• Offisjele webstee van de provìnzie Floams Broabant

Provìnzies van Belgie (Grunnegse mal)
Floandern:   Westfloandern · Oostfloandern · Antwaarp · Limbörg · Floams Broabant Wallonie:   Woals Broabant · Hainego · Noamen · Luxembörg · Loek Bruzzels Heufdstedelk Gewest:   /