Merovech

D'r wördt van Merovech ezegd dat e, nao Chlodio, de konink van de Salische Franken waar tussen 447-458 van oons hudige jaortelling. Hi'j is de naamgever en (dus) eerste van de dynastie der Merovingen, onder dizze luu hef 't Frankische Riek töt blui ekom.

Legendarische konink

D'r mut ezegd wörden dat 'r over Merovech niet zo völle bekend is, derumme wörd e ok as 'n half-mythisch figuur eziene. Waorschienlijk was e een zeune van Chlodio. Mar de legende verteld oons dat hi'j verwekt is toen zien moe bi'j 't baden een zeemonster tegenkwaamp. Dit is meugelijk ok de verklaoring veur de oorspronk van de uutsprake dat iemand van (Europese) aodel blauw bloed zol hemmen, geliek de zeewezens.

Dit artikel is eskreaven in et sallandsk.