Slagharen

Uut Wikipedia, de vrye encyklopedy
Nå navigaty springen Nå söken springen
Slagharen
Dorp in Nederlaand Flag of the Netherlands.svg
Lokasie van Slagharen
Bestuur
Provinsie NL-OV Oaveriessel
Gemeente Hardenbarg (gemiente)
Geografie en bevolking
Inwonners
3080 (2019)
Koordinaten 52° 38′ N, 6° 33′ O

Koördinaoten: 52° 38′ N, 6° 33′ O

Aoverig
Netnummer 0523

Slagharen is een dörp in de gemiente Hardenbarg in 't noordoosten van de Nederlaandse pervincie Aoveriessel. In 2019 waren der 3.080 inwoners.

Geschiedenis[bewark | bronkode bewarken]

Slagharen is ontstaone as vervenersnederzetting rond 1840, toen Duutse veenarbeiders (hannekemèeiers) naor Oost-Nederlaand trökken. De name van de plaatse kump van 'slag', perceel of kaampe, en 'haar', zaanderige heugte op de heide. 't Is daorumme det der, krek as bij veul plaatsen in Aoveriessel en Drenthe, wal espreuken wördt van 'op' Slagharen, naost 't neiere 'in' Slagharen.

Deur Slagharen leup 't kenaal de Lutterheufdwieke van Lutten richting De Krim en Coevern. 't Wördden midden 19de ieuw anelegd en is een ziedtakke van de Dedemsvaort. Rond 1884 passeerden 10.729 schepen de brogge van Slagharen. Nao de Tweede Wereldoorlog verleur 't kenaal zien belang veur de scheepvaart en wördden 't gedielte op Slagharen edempt. De N377 wördden aover 't tracé van 't kenaal anelegd.

In 1897 deu de DSM de stoomtramliende De Vaort - Coevern lös, waoran Slagharen lag. In 1905 wördden 't dörp een kneuppunt binnen 't net van dizze maotschoppije deurdet ok de liende Slagharen - 't Ogeveine lösedaone wördden. In 1939 wördden de liende naor 't Ogeveine opeheven en in 1947 de liende naor Coevern.

Bedrieven[bewark | bronkode bewarken]

Attractiepark Slagharen

Slagharen is bekend van 't Ponypark Slagharen, opericht deur Slagharenaor Henk Bemboom. Dit park is intied ummedeupt töt Attractiepark Slagharen.

Op Slagharen haj ok 't recreatie- en congrescentrum De Bonte Wever, det in meie 2001 kats ofbraandde. De Bonte Wever was ontstaon in de febriekshallen van weverije de Nederlandse Bontweverij nao 't faillissement van det bedrief. De eigenaor van De Bonte Wever, Slagharenaor Hennie van der Most, zol 't concept van hergebruuk van bedriefspaanden, det hij hier veur 't eerst toe-epast had, nog wat keren herhalen, zoas mit De Koperen Hoogte en Kalkar.

Postörderbedrief Wehkamp wördden in 1952 as Wehkamp's Fabriekskantoor deur Herman Wehkamp in Slagharen opericht. Daornao was 't opslagdepot töt 2015 evestigd an De Vaort. Tegenwoordig bint 't heufdkantoor en opslagdepot van Wehkamp in Zwolle evestigd.

Cultuur[bewark | bronkode bewarken]

Slagharen is een aoverwegend kathelieke enclave in een wieder veural protestaantse umgeving. 't Hef dan ok as ien van de weinige dörpen in de contreien een jaorenlange treditie van carnaval vieren. Der is een carnavalsverieniging, De Turftrappers, en der bint vier vrundenclubs die as ok carnaval viert, 'De Stroek'n Doekers', 'Vul die pul', 'De Klapkuifers' en 'The Sensitive Sons'. Tiedens carnaval het 't dörp Turfgat en fungeert Café Ome Dries as hofresidentie.

In 2017 bestund 't dörp Slagharen 175 jaor, wat evierd wördden mit een feestweke in juni.

Op Slagharen praot ze een Nedersaksisch aovergaanksdialect tussen Sallaands en Drèents.

Bint der geboren[bewark | bronkode bewarken]

Woont der of hebt der ewoond[bewark | bronkode bewarken]

Bronnen[bewark | bronkode bewarken]


Wikimedia Commons Commons: Slagharen - plaatjes, filmkes en/of gelüüdsbestanden.