Naar inhoud springen

Sküttrup

Uut Wikipedia, de vrye encyklopedy

Sküttrup (hougdüütsk: Schüttorf) is ne stad in de Gråfskup Bentheym, in et uterste süüdwesten van den düütsken deylståt Neadersassen. Et ligt ungeväär 10 kilometer oaver de grense med Neaderland, un kortby et bundsland Noordryn-Westfalen. Med alle andere gemeyndes förmt de stad de samengemeynde Sküttrup. Et is de öldste stad van de gråfskup. Up den 31. december 2021 woanden der 12.934 lüde up ne uppervlakde van 19,45 km2.

Geskedenisse[bewark | bronkode bewarken]

By lokaal graevwark vöär ne nye spoarlyne wör en vrouwenbut evünden wat dateerd wör up 2000 jår vk. Ouk kortby liggende gravhöävels düdet up dusenden jåren vaste bewoaning.

Üm de kerstening wyder an to jagen wörden buren uut et franske Calais en Boulogne in de 8. un 9. eywe når et gebeed estüürd. Der woanet noch altyd familys med achternamen dee dårnår vewyset, sou as Hermeling, Hummert en Wanning. Dee sint afeleid van de noordfranske woansteades Hermelinghen, Humbert un Maninghen.

Toch steyt Sküttrup pas as eyrste in 1154 up ne oorkunde, as Scuhtthorp, Scutorpe, Scuttorpe un Scotdorpe. Wåras den name vandan kümt is neet heylemåls klår. De verklåringen loupet uuteyne: wat meynt der dat et wat med nen dam in de nåbyliggende Vechte to maken hevt, anderen meynt dat et verwist når de beskütting van den (neet meyr bestånden) burcht Altena. Ne heyle andere verklåring is dat et solde verwysennår de scuti of scoti, de middeleywske name van de yren. In de nöägde van Sküttrup sint olde yrske ringkrüse vünden, wat to denken gevt dat der yrske monniken eweasd hebbet. Ouk de olde stadstwyke 'Schottbrink' solde dår up wysen.

In 1296 kreag Sküttrup stadsrechten van den Graaf van Bentheym. Se vatten et medeyne an üm der ne 1400 meter lange stadsmüre ümhen to bouwen. De stad wör ouk lid van de Hanse.

Bekende lüde[bewark | bronkode bewarken]

Disse lyste gevt lüde dee in Sküttrup ewoand hebbet of der geboaren sint, dee later bekend ewörden sint.