Sint Joriskarke (Breevoort)
De Sint Joriskarke is ne laat-gotiese karke in Breevoort, woarvan den fundamenten uut 1316 bunt. Bi-j et beleg van Breevoort in 1597 deur prins Maurits, is de olde karke verbraand en bunt de gewelven in-estort. De Reformasie begun mit ne verwooste karke. In 1599 wodden begonnen mit den bouw van ne ni-je karke in gotiesen stiel. Bi-j de ontploffing van den kruuttoorn in 1646 leep de karke groten schaa op. De karke kreg in 1672 nen mooien Rokoko preakstool en wodden later veurzeen van n Noaber-orgel. Kenmarkend veur dizze karke is doarnoast den zogeneumden 'boernzolder'.
Name
[bewark | bronkode bewarken]De karke dankt heuren name an den schutspatrone van de borgmannen van Breevoort, Sint Joris den den draak oaverwon. Op den toorn steet doarumme neet ne weerhane zoas gebrukelek, moar Sint Joris.
Restaurasie
[bewark | bronkode bewarken]In 2006 hebt zie de grofzerken en natuursteenvloeren in de karke verni-jd. De vloere was verzakt en in slechten toostand, doarbi-j hadden zie vröger wat grofzerken op den kop elegd, dee wollen zie wier aan de juuste kaante leggen. Zie hebt uut-ebreid histories underzeuk edoane noar dee zerken, en et blek dat 2 van dee zerken dee op den kop lagen van de Drosten Haersolte, veurmoalege bewonners van et kasteel Breevoort waren. Zie kwamen um et leaven samen mit bi-jnoa al eure kinder tiedens den kruuttoornramp in de 17de eeuwe. Tiedens de restaurasie ging de boavenste zandloage van rundumme 10 cm dikte vort en wödden zeefd. Hierin wödden vondsten edoane zoas: munten, menseleke resten, gebraandskilderd glas. Wieter hebt zie nen steen evonden van de Vereanegde Nederlanden.
Bekieken
[bewark | bronkode bewarken]De Sint Joriskarke is gratis te bekieken 12 juli t/m 26 augustus en altied tiedens de moandelekse grote beukemarkte. Ok tiedens open monumentendag van 9.30 tot 17.30.