Selderie

Selderie (Apium graveolens) is een plaante uut de Schärmbloemenfemilie (Apiaceae of Umbelliferae). De plaante stiet op de Nederlaandse Rode Lieste as aorig zelsem en as slim of enömmen in et wild. In et wild kump de plaante langes de kuste veur waoras et nat is met zilte töt brakke gronden. De plaante kump mangs ok veur langes sloten.

Verskillende variaanten van selderie wördt gebruukt deur de luu. Dit bint bladselderie (Apium graveolens var. secalinum), bleekselderie (A. graveolens var. dulce) en knolselderie (A. graveolens var. rapaceum). Van zowal bleekselderie as bladselderie wördt de bladstellen egetten, van bladselderie ook de blader. Van knolselderie wördt de knolle egetten die krek boaven de grond gruuit. Ook de ni'je jonge blader van knolselderie bint goed te lieden as die egetten wördt. Van alle drie de vörms ku-j ook soep mäken.

Bi'j luu die voedselallergie hebt, kump een allergie veur selderie vri'j väke veur.

In de Oldheid hadden zie de selderiekrans als pries van de Nemeïsche Spöllen ter ere van Zeus.

Ook bekieken

Het geslach moerasskärm (Apium) met zo'n twintig soorten.

Verwiezings

Dit artikel is eskreaven in et sallandsk.