Sköppingen
Plaatse in Düütskland
 | |||
  | |||
| Situering | |||
| Deylståt | Noordryn-Westfålen | ||
| Landkreis | Borken | ||
| Gemeynde | Sköppingen | ||
| Koordinaten | 52° 6′ 0″ NB, 7° 13′ 0″ OL | ||
| Algemeyn | |||
| Uppervlakde | 68,9 km² | ||
| Inwöäners (2018-12-31) | 6.820 (99 inw./km²) | ||
| Höygde | 90 m | ||
| Fotos | |||
| |||
| Olde rådhuus van Sköppingen | |||
| |||
| Brüningmöäle in Haverbeake | |||
| |||
Sköppingen (Düütsk: Schöppingen) is ne düütske gemeynde. Et ligt in et westelike Münsterland in et noordwesten van den deylståt Noordryn-Westfalen. Et höyrt by an Kreis Borken in et regierungsbezirk Münster. De gemeynde hevt 6820 inwoaners (up 31 december 2018).
De gemeynde Sköppingen hevt ne uppervlakde van 68,9 km², wat slim grout is in verholding med et laege inwoanertal. Med ne döärsneyde leavtyd van 34,7 jår is Sköppingen de jungste gemeynde van Kreis Borken. Dår wordet by düütsken wet ouk asylsökers by ereakend, wåras ouk vöäle twentigers under sint. Ümdat de bewoaners van et asyl regelmåtig uutvleget, skummelt et inwoanertal en de döärsneyde leavtyd van Sköppingen flink.
Woankernen
[bewark | bronkode bewarken]By de gemeynde Sköppingen höyret by an:
- Sköppingen-Wigbold (kern)
- Eggerode, en Maria-bedevårtsoord up et süden van Sköppingen.
Wyders gevt et noch ses nåberskappen:
Töt an de gemeyndelike herindeyling van 1969 warren disse nåberskappen ne afsünderlike karspelgemeynde, sou as dat eyrder in Twente ouk was in Delden en Ambt Delden.
Ligging, verkeyr, vervoor
[bewark | bronkode bewarken]Gemeynde Sköppingen ligt in et noorden van landkreis Borken, kortby de 'dreelandenhook', wåras Kreis Borken tehoupe kümt med Coesfeld en Stemmert.
Weagen
[bewark | bronkode bewarken]Ungeveyr 13 km up et westen van Sköppingen by Heek is afrit 31 van de Autobane A31 Oostfreesland-Rurgebeed. Dissen afrit ligt ungeveyr 20 km up et süüdousten van Enskede. Beide Heek en Meytelen ligget an de Bundesstraße 70.
Oapenbår vervoor
[bewark | bronkode bewarken]In Burgstemmert, up 10 km süüdwestelik van Sköppingen ligt et kortstbyliggende treinstation. De spoarlyne van Gronau oaver Coesfeld når Dülmen. Ouk gåt der wat streakbussen når Coesfeld, Vreden (oaver Åhuus en Münster (oaver Horstmar).
Water
[bewark | bronkode bewarken]By de kern Eggerode kummet de Burloer beake en de Rokeler beake by mekander en formet dårmed et begin van de 167 km lange Vechte, de rivyr wat in Neaderland in et Swarte Water uutkümt.
Sköppinger Barg
[bewark | bronkode bewarken]Up et ousten van Sköppingen ligt de Sköppinger Barg, nen uutlouper van de Baumberge. Med 154 m is et et höyste punt van landkreis Borken. Vöäle amateurfytsers en weelrenners neamet vanuut Twente dissen stikken barg med in öäre runde.