Mönsterlaand

Uut Wikipedia, de vrye encyklopedy
(döärstüürd vanaf "Meunsterlaand")
't Mönsterlaand in Duutslaand

't Mönsterlaand bint de contreien rondumme de Duutse stad Mönster. De regio lig in 't noordwesten van de streek Westfaolen, in 't Bundesland Noordrien-Westfaolen. 't Mönsterlaand wördt roegweg begrèensd deur 't Teutobörger Wold in 't noordoosten, de revier de Lippe in 't zuden en de Nederlaandse staotsgrèenze in 't westen.

In de oorsprunkelijke betiekenis stiet 't Mönsterlaand geliek an 't Prinsbisdom Mönster, 't vroggere wereldlijke domein van de bisschop van Mönster. Vanof de bestuurlijke herindieling van 1975 bakent ze 't gebied ok naor de ni'je regiogrèenzen of. 't Begrip wis now vake op de samenwarking tussen de Landkreise Borken, Koosfeld, Stemmert, Waarndörp en 't kreisvri'je Mönster.

't Mönsterlaand is greuts op zien rieke geschiedenis. De bewoners bint heur stark bewust van 't eigen kerakter van de strèke. Dizze is ontstaon deur de lange gemienschoppelijke geschiedenis van kattelieke gezindheid, de Leegduutse streektaal (West-Mönsterlaands en Mönsterlaands), de laandelijke aord van de plaatsen, en de betiekenis van Mönster as cultureel, economisch en giestelijk centrum.


Wikimedia Commons Commons: Mönsterlaand - plaatjes, filmkes en/of gelüüdsbestanden.
Dit stok is eschreven in 't Zuudwest-Zuud-Drèents van de Drèents-Oaveriesselse grèensstreek.