Rohel (Scharsterlaand)

Uut Wikipedie, de vrye encyklopedy
Naar navigatie springen Naar zoeken springen
De ligging van Rohel

Rohel (Fries: Reahel) is een dörp in de gemiente De Friese Meren in de Nederlaanse perveensie Frieslaand. Et leit in et noordoosten van et Tjeukemeer en had in 2004 omdebi'j de 230 inwoners. Et beheurde tot 2014 tot de vroggere gemiente Scharsterlaand.

De naeme stamt van de bodem die hier iets rooier is as op aandere plakken in de omkrieten van Rohel; "hel" zol verwiezen naor "heugte", of juust naor "hol", leegte. Een aandere verklaoring hangt saemen mit een legende over et ontstaon van et Tjeukemeer, hier zol ooit een bos staon hebben dat ofbraand is. De vuurgloed van et branende vene (en bos) zol de naeme "rooie hel" verklaoren.

Tiedens de Tweede Wereldoorlog zat d'r in Rohel een deurgangskamp veur joden, veur de oorlog woonde d'r warklozen in dit kamp die mit de ofgreving van et vene an et wark zet wodden. Nao de oorlog wodde dit kamp bruukt veur KNIL-militairen (Molukkers). De plaetselike bevolking nuumde et kamp nao de oorlog et Ambonezen-kamp.

Nao de oorlog wodde d'r een voetbalverieniging opricht en d'r wodde speuld kotbi'j et kamp, d'r wodden ok vule bewoners van et "Ambonezen-kamp" lid van disse voetbalverieniging. De naeme van disse voetbalverieniging is nog altied "De Wite Peal" (de witte paol), mar zit inmiddels in Sunt-Jehannesge.

Vrogger had Rohel een karkien mit een karkhof, mar die is in et Tjeukemeer verdwenen. Ie kunnen de grafstienen nog wel vulen op de bodem van et meer.

In Rohel hej' meerdere campings, d'r is een tuuncentrum en d'r is een straantien an et Tjeukemeer.