Rivella

Uut Wikipedia, de vrye encyklopedy


Rivella is n koolzuurholdende frisdrank die gedeeltelik uut wei emaakt wordt.

t Wordden in 1952 in Zwitserlaand deur Robert Barth ontwikkeld, naor n resept dat zien breur verkregen had uut de arfenisse van n bioloog.[1]

De drank wordt sinds 1957 in lisensie in Nederlaand emaakt, vanaof 2012 deur Vrumona. Lange tied was Rivella der in twee variaanten: de 'gewone' Rivella (mit n veurnamelik rood etiket), mit suker als zeutstof, en n versie zonder suker, Rivella Light, dat in aandere laanden Rivella Blauw eneumd wordt.

Sinds 2005 wordt in Nederlaand ook Rivella mit greune thee-extrakten verkocht, mit suker as zeutstof. t Is op aandere aofzetmarkten bekend as Rivella Greun.

Rivella kan ezien worden as de nasionale drank van Zwitserlaand mit n marktandeel van 15% (2002) en is veerder eigenlik allinnig bekend in de regio's rond Zwitserlaand (Zuud-Duutslaand, Oostenriek, Oost-Frankriek), Luxemburg en Nederlaand. Wat noen Rivella Light heet wordden veur t eerst in Nederlaand op de markt ebröcht, in 1958[2] veur suker en hef daor t grootste marktandeel buten Zwitserlaand.

Rivella gebruukten lange tied de reklameslagzinne "Rivella, n bietjen vremd, mer wel lekker", die arg bekend eworden is.

Referensies[bewark | bronkode bewarken]

  1. Rivella Geschichte ist Schweizer Geschichte, rivella.com
  2. 50 Jahre Rivella Blau, rivella.com

Uutgaonde verwiezingen[bewark | bronkode bewarken]

Dit artikel is eskreaven in et oustveluwske dialekt van Doorspiek, in de Algemene Nedersaksiese Schriefwieze.