Rembrandt van Rijn

Oet Wikipedie, de vraaie enzyklopedie
Gao naor: navigasie, zeuk
Zelfportret (1661)

Rembrandt Harmenszoon van Rijn (Leiden, 15 juli 1606 of 1607 - Amsterdam, 4 oktober 1669) was nen Nederlaandsen kunstskilder. Hi-j leafden en warken in de Golden Eeuwe, et heugtepunt van de Nederlandse kultuur, wettenschap, handel en macht. Rembrandt wöd oaveral ezene as den belangrieksten Hollandsen meister van de 17de eeuwe. Hee maken in totaal rundumme 300 skilderi-jen, 300 etsen en 2000 tekkeningen. Zien wark beheurt tot de Barok en is beïnvlood deur et Caravaggisme. Hi-j was den enigen Hollandsen skilder den mit zienen veurname tekkenden.

Rembrandt zag zichzelf as nen historie- en portretskilder. Hi-j maken in alle leavensfasen deur iederene bewonderde zelfportretten. Ziene 100 eskilderde en 20 etste zelfportretten geaft n opmarkelek scharp beeld van zien uterlek en ziene geveulens. Ziene noaste femilie: zien moder Neeltje van Suydtbroek, Saskia van Uylenburgh, ziene vrouwe en zienen zönne Titus van Rijn bunt mangs noadrökkelek in ziene skilderi-jen anweazig. Woarschienlek hebt ok ziene maîtresse Geertje Dircx en leavensgezelle Hendrickje Stoffels model estaone veur biebelse of historiese figuren, moar doarveur bunt neet völle bewieze.

Ok ziene etsen en tekkeningen bunt bereumd. Ziene opmarkeleke beheersing van et spöl mit lech en duuster, woarbi-j hi-j mangs scharpe helderheid in schoakering van kleurn (clair-obscur) pinzelen, um zo den kieker de veurstelling binnen te leiden, leidden tot leavendege toaferelen vol dramateek. Deur zienen zichtboaren betrokkenheid en medeleaven, riekdom, leaftied of afkomst maken um neet uut, wet zee Rembrandt oaveral ter weald te begriepen en woarderen.