Reigers

Uut Wikipedia, de vrye encyklopedy
n Blauwe reiger mit n muus in zien bek
n Amerikaanse blauwe reiger
n Amerikaanse kleine zilverreiger

De reigers (Ardeidae) bint n familie van vogels uut de orde van de pelikaanachtigen. De familie bestiet uut 67 soorten[1]. De reigersoort die in Nederland t meest veurkömp is de blauwe reiger. Ok de grote zilverreiger, kleine zilverreiger, purperreiger, roerdompe, kleine roerdompe en nachtreiger (of: kwak) kommen in Nederland veur; de grune reiger wordt soms as dwaolgast ezien. De reiger is n bescharmde diersoort.

Voeding[bewark | bronkode bewarken]

Reigers bint karnivoren (oftewel: vleisaeters) ze aet veural vissen, amfibieën (waoronder kikkers), weekdieren, kreeftachtigen en insekten, mar ok kleine zoogdieren, vogeleier en reptielen. Soms gaot der vogels ter grootte van n waterralle naor binnen. Van de vissen bint voorns, goldvissen, en kleine koikarpers vake arg geliefd bie reigers. Swinters as vievers en plassen dichtevriezen, zal de reiger toch proberen um open plassen te bereiken. Reigers staot vake stokstief te wachten töt ze toeslaon kunt.

Aoverlast[bewark | bronkode bewarken]

Mensen mit n viever in de hof kunt nog wel es last hebben van reigers. Reigers wachten meestal heur kans of. Vake slaot ze heur slag bie t eerste ochtendlicht, zodat ze ongestoord an heur aeten kommen kunt. Komplete vievers mit goldvissen die laegevist bint komp niet vake veur, mar um der wisse van te waen dat dat niet gebeurt ku'j t mar baeter bescharmen. t Plaatsen van n net aover n viever, of t gebruken van n vieveralarm, bint manieren um te veurkommen dat n viever laegevist wordt.

Taxonomie[bewark | bronkode bewarken]

Volgorde van geslachten die töt de reigerfamilie beheurt volgens de IOC World Bird List[2]

Referensies[bewark | bronkode bewarken]

  1. F. Gill, M. Wright & D. Donsker (2010) - IOC World Bird Names (versie 2.6)
  2. F. Gill, M. Wright & D. Donsker (2013) - IOC World Bird Names (versie 3.3)
Dit artikel is eskreaven in et oustveluwske dialekt van Heerde, in de Algemene Nedersaksiese Schriefwieze.