Pont Pill

Fenleath Point en Fowey Harbour met Pont Pill an de rechterkaant.

Pont Creek (Kornies: Pyll Por' Reun, wat zeehundegrotkreek betekkent), better bekend as Pont Pill, is nen rivier in Cornwall. Den rivier kömp samen met de River Fowey biej et standbeeld van Sir Arthur Quiller-Couch, op 'n noordoosthook van Fowey Harbour. Pont Pill is nen getiedenrivier. Iej könt der alleanig oawerhen voaren as et hoogwater is.

Umdat et onskunden blevven is deur mensken is de stea populair bie vöggelkiekers, waandeloars, zeilers en viskers. Pont Pill is et beste te bekieken met een klein beutke as et hoogwater is, wannear iej töt an de brugge 2,5 km streumopwearts noar Pont (Old Kornies: Pont Pyll) goat, dee et end is van et bevoarboare water.

Waandelvolk kan Pont Pill zeen vanof de heuvels dee um de rivier hen ligt as zee een stuk van et South West Coast Path tusken Bodinnick en Fowey volgt.