Plattmakers

Uut Wikipedia, de vrye encyklopedy
Logo van Plattmakers.de
Veurbeeld van et woord Schruuv (schroef)

Plattmakers is een encyclopedisch woordeboek op internet in en over et Nedersaksisch. Et woordeboek, dat al sund 2009 bestaot, had in oktober 2023 meer as 22.000 begrippen in de databaank. Et is daormee et briedvoerigste Nedersaksische woordeboek op internet. Een woord kan in verschillende variaanten van et Nedersaksisch invoerd wodden. Sund 2022 makt ok een literaire databaank, Plattmakers Black, diel uut van e webstee. Daorin bin Nedersaksische boeken, schrievers, uutgeveri'jen en meziek te vienen. Krek as bi'j et woordeboek ligt de naodrok op Duutslaand, mar der is ok infermaosie uut Nederlaand te vienen. Van een bulte schrievers wodt een foto teund.

Op Plattmakers wodden de woorden in een biezundere schriefwieze weergeven, krek zoas in de ooldste spellingvorm van veur et Ooldsaksisch (omenbi'j et jaor 700). Disse schriefwieze wodt dan ommezet in een mederne spelling, waorin alle opienvolgende klaankverschoevings, die d'r sund die tied west hebben, opneumen bin. Op disse menier wodt de mederne vorm van et woord saemensteld zonder dat d'r verschillen in schriefwieze ontstaon.

Dislange is dit umzettingsperces beschikber veur zes verschillende dialekten. In totaol wodt et Nedersaksische taelgebied van de webstee in 128 dialektgebieden indield. De webstee is beschikber in et Nedersaksisch, Duuts, Nederlaans en Engels en bödt naost woordverklaorings in et Nedersaksisch ok vertaelings in et Duuts, Nederlaans en Engels an.

Uutgaonde verwiezings[bewark | bronkode bewarken]