Platform Nedersaksisch

Uut Wikipedia, de vrye encyklopedy
Nå navigaty springen Nå söken springen

't Platform Nedersaksisch is een samenwarkingsverbaand det in 2021 in de bienen kwaamp en det 't Nedersaksisch as taal en cultuur wil uutdragen. De samenwarkende partners bint 't Centrum Groninger Taal & Cultuur, de Stichting Stellingwarver Schrieversronte, 't Huus van de Taol, de Iesselakkedemie en Erfgoedcentrum Achterhoek en Liemers. Op 31 meert 2021 lanceerde 't platform de webstee Nedersaksisch.com.

Op de webstee wördt inegaone op verscheiden menieren waorop 't Nedersaksisch in de samenleving leeft en mèensen mit menare verbiendt. Daorbij is der andacht veur gebieden as taal, muziek, theater, film, schrieverije, tradities (zoas paosvuren, carbidschieten en naoberschop), toerisme en economische samenwarking tussen de Nedersaksische pervincies.

De webstee signaleert een nei Nedersaksisch gevuul in de samenleving en verwiest dernaor as 'naoberschap in de 21e eeuw'. Der wördt wat oogmarken eformuleerd: laoten zien det 't Nedersaksische gevuul leeft, laoten ervaren det 't verbiendt, en verkennen hoe of 't Nedersaksisch naoberschop in de 21ste eeuw benut kan wörden.

Op de webstee wördt een manifest anebeuden, 'Nedersaksisch leeft en verbindt'. Wieder bint der een neisofdieling en een agenda waoraj kunt vienden wat der op Nedersaksisch gebied zoal organiseerd wördt.

Reacties[bewark | bronkode bewarken]

Een beste butse Nederlaandstalige neismedia en internetmagazines kondigden de komst van de webstee an.

In Nedersaksische Facebookgroepen was nog aordig wat te doen aover 't gegeven det de webstee, op wat lösse kreten nao, Nederlaandstalig is. Dizze reacties wördden op de webstee Wearldspråke samenevat in een artikel mit de titel 'Hollandsk up nye websteade Nedersaksisch.com ougstet vöäral unbegrip'.

Bronnen[bewark | bronkode bewarken]

Nuvola apps ksig.png Dit stok is eschreven in 't Zuudwest-Drèents.