Pandeiro

Oet Wikipedie, de vraaie enzyklopedie
Gao naor: navigasie, zeuk
Pandeiro

De Pandeiro of Pandero (Portugesese oetsproake: [pɐ̃ˈdejɾu]) is n soort haandtromme wat völle lik op n tamboerien. t Wörd völle in Braziljaanse muziek gebroekt.

De pandeiro wörd met ene haande vasteheuldn en met de aandere haande bespöld. In de meeste soortn samba wörd de pandeiro bespöld duur n eerstn slag met n doem op n raand te houwn, n tweedn met de vingertöppe, n doardn met de moes van n doem en n veerdn met de vlakke haande in t middeln van t vel. In kapoeira is t luk aanders. Wieters kan dr nog met de pandeiro skudt wordn, woerduur't allene de skiefkes (de platinelas) reenkelt, en dr kan met n vinger oawer t vel estrekn wordn, woerduur n soort ruffelken emaakt wörd.

t verskil met n tamboerien is det t pandeirovel stemd kan wordn en det de metaalne reenkelskiefkes bol zeent, woerduur t geluud dreuger en körter wörd, woerduur ritmes dudeliker en oetgesprökner wordt.

Bekeande spöllers zeent Paulinho Da Costa, airto Moreira, Marcos Suzano, Cyro Baptista en Carlinhos Pandeiro de Ouro.

Oetgoande koppelinks[bewark | bronkode bewarken]