Overleg:Nedersaksische veurnamen

Uut Wikipedia, de vrye encyklopedy
Naar navigatie springen Naar zoeken springen

Mien idee is um op dizze Wikipedie de miest uutebreide op 't internet beskikbaore liesten van typische/traditionele veur- en achternamen uut het Nedersaksische taalgebied (Nederlaand en Duutslaand) te begunnen - liefst mit bronnen. 't Kan zunder twiefel nog streekspecifieker.

Kiekt ok bi'j List vun plattdüütsche Vörnaams en List vun plattdüütsche Tonaams op de platduutse Wikipedie.

Ni'jluuseger 20:57, 17 jun 2007 (CEST)

Grunnen is n gebied dat n mengkultuur het van Frais en Saksisch. De Grunnegse noamen kommen veur n groot gedailte den ook overain mit dijent oet Oostfraislaand, Westlaauwersfraislaand en sums dus oet Drìnt of aander Leegsaksische gebieden, môr dat ien mindere moat, den Grunnen het wat dat aangaait meer mit Fraislaand en Oostfraislaand overain. Ik raiken Oostfraislaand en Grunnen dus bie ainander. Grönneger 1 22:55, 17 jun 2007 (CEST)
Mien bron is traauwens de Duuts Leegsaksische wikipedia, Oostfraise noamen, dij ik zulf oetbraaid heb mit mien aaigense kennis. Ik heb veur n poar noamen ook broeken môkt van n webstee, môr doar heb ik nog gain toustemmen veur kregen. Zo gaauw as ik dat kregen heb, zel ik de Grunnegse seksie oetbraaiden.
Ik bin hailmoal veur dit projekt! Der staait op internet môr schietwaineg over typisch Saksische, Sakso-Fraise en Franko-Saksische kultuur op droad. En as der wat op staait, den is t nait serieus of inkompleet. Doarom bin ik begonnen mit t Grunnegs woordenbouk dij nog aal oetbraaid worden zel. t Kin nait aans as dat de Saksische toalen en kulturen over n laange tied oetstraaven zellen, deur de globoaliseern en aal. Doarom kinnen wie t best zo veul meugelk informoatsie vergoadern en vaastleggen. Op dizze wieze blieven de Saksische toalen, kulturen en heur aigenheden bewoard veur de toukomst! Grönneger 1 23:17, 17 jun 2007 (CEST)
Skier dej dizze informatie geeft, Grönneger. De namen van Friese ofkomst bint inderdaod aordig aanders as die van Saksische.
Ik volge oen woordenboek- en grammaticaproject trouwens mit ontzag; Wikipedie is krek de stee veur 't opbewaoren van dizze informatie, want haoste gieniene koopt boeken d'r oaver mar iederiene hef internet.
Aj wilt veurkomen det oen taal en bi'jbeheurende cultuur uutstaarft, muj gewoon d'rveur zörgen det dizze taal en cultuur cool bint: dus niet allennig verbunden mit de "olde grond" ('t leben van vrogger), mar ok mit de jonge luu (tillevisie-riegen, popmuziek, websites, riw oppe skoele) en det leste gebeurt gelokkig, al is 't mar een beetien. Wi'j hebt de tied wel meer mit as ien de leste decennia - toe as d'r echt hielemaole niks gebeurden op wat letterkundig en wetenskoppelijk wark (en de band Normaal) nao. Aandere minderheidstalen en -culturen zoas de Friese, de Catalaanse en zo bint ons veurbeeld. Wi'j kunt wel een voest maken want wi'j bint mit meerdere previncies en zölfs ien twee laanden.
Wikipedie wördt gemakkelk, deur zien netuur van samenwarking en alsmar updaten en uutbreiden, de veurnaamste bron van Nedersaksische informatie online. Daorumme dek d'r zoveule fedusie ien hebbe. Wel mut en kan d'r meer volk an mitdoen. Ien van mien ideeën is nog altied 't systematisch anskrieben van bepaalde ienstelling', um skrievers en löslopend talent te winnen.
Ni'jluuseger 00:18, 18 jun 2007 (CEST)

Niet te vergeten de Nederlandse Voornamen Databank en de Nederlandse Familienamen Databank van 't Meertens Instituut. Die bint wel uutebreid, mar Klaos en Kleussien bint d'r kennelijk toch te plat veur (misschien umdet zukse vörms gien deupnamen bint? Mar Gait stiet d'r wel weer in). Ie mut sommige namen vernederlaandsen um ze te vienden - dus Klaas en Klaassien. Ok bint ze merkwaordig selectief ien 't angeben van de previncie(s) waor of een name veur zol komen - asof Klaassien allennig ien Drenthe veurkomt en Gait allennig ien Oaveriessel. Ni'jluuseger 11:12, 18 jun 2007 (CEST)


Messchain is haandeg om binnenkört (as wie wat meer noamen en aal hebben) dizze pagina ien n overzichtsartikel te verandern, zo as ik ook mit t Grunnegs woordenbouk doan heb. Den worden de regios de heufdartikels, bieveurbeeld
1rightarrow.png
Der besteyt ouk een artikel "Grunnegse veurnoamen" mid meyr informaty op dit underwarp.
Op dizze wieze krigt man ook gain ìndeloze onoverzichtelke liesten, môr kin man n oetbraaiden artikel lezen over de regio(s) woar man wat meer over waiten wil. Grönneger 1 17:37, 19 jun 2007 (CEST)