Overleg:Grunnegs (grammoatiek)
Lidwoord
[bronkode bewarken]Hier wordt stèld dat op 't Hoogelaand "de" en "het" geregeld deur mekoar hoald worden. Ik bin benijd noar 'n eventuele bron doarveur, want as je lektuur d'r op noasloan, zug je deurgoans dat 't Nederlaandse 'de' voak vot blift, mor dat 't lidwoord 'het' juust wel bruukt wordt (in verkörte vörm). Ik heb doarom ook op 't Hoogelaand nog nooit metmokt dat (ollere) minzen dizze twij lidwoorden deur mekoar hoalen. Ik heur geern wat je d'rvan vinden en of hier aargens meer informoatsie over te vinden is.
Zulf bin ik ook even op zuik wèst en heb ik alinneg Oosterhof vonden, dij naargens in Grunnen 'n votloating van 'het' kon vinden, zoas ook K. Ter Loan dat sikkom viefteg joar doarveur al stèlde.