Overleg:Achterhooksen taalwiezer

Moi 77.170.122.88,

Ik zee da'j et neudege veranderd hebt op disse ziede, en da's mooi, hoo meer leu dee-t metdoot, hoo better. Moar der bunt n paar veranderingen woar da-k miene twiefels ovver hebbe, moar ik wil ze neet drekt weerumme dreajen:

• soms he'j oa noar ao veranderd, en noo komt ze beide veur. Kö'w lang of kort ovver nöälen, moar konsekwent lik mi-j wal et beste.
• oetgang -lek (lijk) he'j veranderd noar -lik. Bun ik veerkant op tegen: volgens WALD is nen stommen e altied nen e. Met -lijk kan'k nog leaven, moar vin'k te nederlands. -lik gebroekt ze in et Tweants ok wal, moar dat begriep ik ok neet.
• wodden (of verbugingen) he'j veranderd noar worden. Bi-j mien wetten wöd den r nooit oet-esprokken.
• oetgang -ies he-j veranderd noar -isch. In mien beleaving n achterhaald nederlands fossiel, en absoluut neet neudeg in et Nedersaksies. In et Duuts hef et nog ne funktie, umdat doar de sch anders oetesprokken wöd, bi-j ons neet. Et is ok neet zo dat -ies neet meer herkenboar zol wean.

Droadnaegel 00:25, 8 mrt 2010 (CET)

Dit kinst dunkt mie beter op zien gebroekersoverlegziede zetten. Dit leest er toch nait Grönneger 1 10:40, 8 mrt 2010 (CET)

Toovoegingen

Et liek mi'j dat der nog wat wark an dizze pagina neudig is. Hoo steet het met de Genitief, de bezittelijke veurnaamwoorden in et Achterhooks bieveurbeeld? Et Grunnegs hef ne völle meer oet-e-breide pagina oaver de sproake, en ik bun van mening dat infermasie oaver de nedersassische sproake toch wal ne veurname plets motten hebben op wikipedie. Ok veur beginnende brukers dee wat wollen bi'jdragen en wat wollen noakieken hoo et ok al weer zat, woar ik mien eigen ok too reken. Kweniston 16:52, 19 aug 2008 (CEST)

Moi Kweniston, is et wat um ok nen weurdenbook te maken, net as bi-j den Twentsen, moar dan op nen ni-jen blad, mit nen deurverwiezing doarnoa too? Bieveurbeeld:

Weurden

In et Nederlaands	In et Achterhooks
Aardappel	Eerdappel, Earpel
Altijd	altied
Azijn	azien
Avond	Oavond
Boerenkool	Moos

Enzowieter... Et wöd nen unmuundig langen riege, en as dat op dizze blad möt dan wöd et neet leasboar. Loat moar wetten wa-j doarvan vind?

Arch 21:34, 20 aug 2008 (CEST)

Ik zol dan aans wal 't Achterhooks eerst numen, daorachter 't Nederlaans, want 't giet um 't Achterhooks. Wel as een woord in 't plat weten wil, kan mit Ctrl-Find op 't Nederlaanse woord zuken... Ni'jluuseger 21:53, 20 aug 2008 (CEST)

Moi Ni"jluuseger, dat lek mien neet te zwaor um te doon.

Weurden

In et Achterhooks	In et Nederlaands
Achterhook	Achterhoek
Alderbastend	Ontzettend
Angoan	Pret maken
Artensoep	Erwtensoep
Bateren	Slaan

enzowieter...

Arch 22:28, 20 aug 2008 (CEST)