Oosterbos

Uut Wikipedia, de vrye encyklopedy
Nå navigaty springen Nå söken springen
Bomen op hoogveen in het Oosterbos

Het Oosterbos, dat ze vake ok weh Oosterse bos numen, is een bos van ongeveer 250 bunder ten oosten van Barger-Oosterveld in de gemiente Emmen en - al wullen Oostervelders het zelf nie hören - eigenlijks ok de plaats Emmen zellef.

Het Oosterbos is in de zumtiger jaoren van de twentigste eeuw deur Staotsbosbeheer anplant veur wat ze numen de opnij-inrichting van de veenkelonieën. Ze hem het bos plàant op hoogveen wat nog nie afgraam was en waorvan ze wullen dat het nog verder angruit deur de waterstand kùunstmatig hoog te holen. Het bos is een onderdeel van de boswachterij Emmen, net as de Emmerdennen, het Noordbargerbos en het Valtherbos.

An de oostkante van het Oosterbos lig het wiedsopgezette Scholtenszathe. Dit gebied hef Willem Albert Scholten in de nigntiende eeuw kocht en ontgonnen, waorna het klaor was veur de verbouw van eerdappels. Omdat het bij het Oosterbos giet om hoogveen dat ze niet afgraam hem, lig het dan ok meters hoger dan Scholtenszathe datter naost lig.

Anverwant[bewark | bronkode bewarken]

  • Het Oosterse Bos, een buurtschap dat deel uutmaakt van de plaats Schoonebeek in de gemiente Emmen
  • Het Oeverse Bos, een bos tussen het Rondweg van Emmen en het Schoelpad, tussen Zuud-Bargermeer en Barger-Oosterveld


Wikimedia Commons Commons: Oosterbos - plaatjes, filmkes en/of gelüüdsbestanden.
Nuvola apps ksig.png Dit artikel is skreaven in et drentsk.