Olde Calixtuskarke

Olde Calixtuskarke met karkhof in Grolle

Et nieje raam met et beleg van Grol.

De Olde Calixtuskarke, of kort ezegd de Olde Karke, is ne van eursprong kattelieke karke dee noo dienst döt as prottestantse karke in Grolle. Zee bunt met de karke an et bouwen ewes van 1275 tot et joar 1520, toen was zee af. De karke hef euren name ekreggen van Calixtus, den slaaf den zich opwarken tot Paus.

Sinds 1406 was Grolle onderdeel van et leengebied van den biskop van Münster, en den keerl hef opdracht egeven veur de bouw van dizze karke. In den Tachtigjoarigen Oorlog is Grolle meermoals veroverd ewodn deur Spanje (kattelieken) en deur de Nederlandse Republiek (prottestanten), en iedere kere veranderden et geleuf met. De leste kere was toon Frederik Hendrik Grolle had belegerd in 1627. Moar in 1672 kwam Bommen Berend oet Münster langs met zien onmeundege leager en hef Grol na een beleg verovverd en bezet eholden tot 1674. Dat was de letste kere dat de karke deenst hef doan as kattelieke karke. De leu mozzen toon boeten de stad in 'schuulkarken' et kattelieke geleuf praktizeren, totdat in Zwillbrock ne karke wodden neerezat deur de leu oet Münster.

In et begin van de twintigste eeuwe is der ne ni'je karke veur de kattelieken binnen de grachten van Grolle ebouwd, de Ni'je Calixtuskarke.

In 2006 en 2007 is de karke restaureerd ewodden, woarbi-j zee ok 'n niej glas in lood raam eplaatst hebt, woarop et Beleg van Grolle oet 1627 afebeeld steet.