Oberkrainer

Uut Wikipedia, de vrye encyklopedy
Nå navigaty springen Nå söken springen
Dit artikel geet oawer de muziekstiel Oberkrainer. t Kan ook verwiezn noar n inwoner van de Sloveense regio Oberkrain (Gorenjska)

Oberkrainer is ne stiel van muziek maken. t Is oet-eveunden duur n Slowenisen trekzakspöller Slavko Avsenik met zinnen band Die Original Oberkrainer Musikanten. Oberkrainer is te spöllen as polka en as wals.

Ne tradisjonele oberkrainerband besteet oet 5 instrumeanten: n trekzak, gitaar, bariton, trompet en klarinet. n Bariton wörd mangs ook wal vervöngen duur nen basgitaar of stoanden bas, of de beaide spölt samen. Mangs wörd der as ofwisseling ook (tweestemmig) ezungen. Disse bezetting steet skoonwal nit vaste. Der beent bands zoonder mellodiebloazers (det dut n trekzak dan), en ook wal bands met as mellodiebloazers eankelt trompetten, of nen extra klarinet.

n Bariton gef de moate an met körte stoten (stakkato). n Gitaar spölt hier in achtsten stakkato akkoorden oawerhen, woerbie elken eersten achtsten länger wörd an-eheulden as n tweeden. Hierduur ontsteet n springerig geluud. n Trekzak spölt hier dezelfde akkoorden oawerhen, vake met zesteende noten der tuskenduur. n Trompet en klarinet spölt de mellodielienen, woerbie n trompet n eersten stem hef, en de klarinet n tweeden. Mangs wörd dezelfde mellodie (of ne variasie der op) oawer enömmen duur n trekzak.

Naam[bewark | bronkode bewarken]

t Woard Oberkrainer löt al zeen det t n bievooglik naamwoard is. De muziekstiel is ontstoan in de regio Oberkrain (Sloweens: Gorenjska) in Slowenië. t Is dus "oberkrainer musik".

Opbouw[bewark | bronkode bewarken]

Oberkrainerverskes volget vake n vast mellodiepatroon. Meestal begint ze met n soort introduksie van 2 moatn, woernoa n thema begeent, wat tweemoal achter mekoar espöld wörd. Doarnoa keump n niej thema (B), of ne variasie op thema A. Vervolgens keump dr ne korte brugge van een of twee moatn, woerop Thema C begeent. Dit kan n zach en gedreagn stukn wean, woernoa D vake ne opzweepnde ofsloeting mut wean. Ze zeent hier skoonwal nit an ebeunden en köant hier van of wieken. Thema B is mangs allene mer ne variasie op A (bv duur non n trekzak t mellodiejken van A te loaten spöllen), en ook zo vuur D op C. t Komnde oawerzich löt t good zeen:

beginstukn
Thema A 2x
Thema B 2x
Korte brugge noar C
Thema C 2x
Thema D 2x
Eandmoate

Elk thema besteet oet twee groondakkoorden; as t eerste thema in C en G is, dan is vake t tweede thema in F en C.

Beeld[bewark | bronkode bewarken]

Oberkrainer röp vake t beeld op van Oostenriek en skivakaansies. Dit hef dr met te maken det disse muziekstiel in Oostenriek en de aandere Duutstalige laanden der umhen onmeundig geleefd wör, en hoonderden bandjes doar ook oberkrainer gungen maken. De sproake woerin't ezungen wör (vake ook wal duur Slavko Avsenik zelf) was ook Duuts, um zo ne gröttere ofzetmoarkt an te sprekken.

t Beeld leawt ook vake det t muziek vuur oolde leu is. Um dit te duurbrekken dee in 2005 n Oostenrieksen Oberkrainerband Global Kryner met an t Nasjonale Eurovisie Songfestival. Ze haalden nipt de tweede plaatse.

Ne Europese hit har n Oostenrieksen DJ Ötzi met zin nommer Anton aus Tirol, n nog aait völgebroekt nommer um feeststemming te verheugn. Dit nommer dut oberkrainer met ellektronise muziek kombineern. Ook Marc Pircher hef in de volksmuziekwearld de leste joarn völle bekeandheaid opbouwd.

Bekeande groepn[bewark | bronkode bewarken]

  • Slavko Avsenik und seine Original Oberkrainer Musikanten
  • Oberkrainer Power
  • Lechner Buam
  • Mooskirchner
  • Okrogli Musikantje (die Runden Oberkrainer)
  • Zillertaler Schürzenjäger
  • Alpski Kvintett
  • Klosterthaler

bekeande nommers[bewark | bronkode bewarken]

Oberkrainer bands spölt vake völle verskes van Slavko Avsenik, umdet dee t meest bekeand zeent. n Groot deel van de komnde lieste is dus ook van um:

  • Trompeten Echo (Na Golica)
  • Feuerwehrpolka
  • Auf der Autobahn
  • Grossglocknerblick
  • Hei Rudi, spiel uns ein
  • Tante Mizi
  • Es ist so schön ein Musikant zu sein
  • Mein Mädl aus Krain

Verwaante stieln[bewark | bronkode bewarken]

Oberkrainer wörd vake neumd as volksmuziek, en vaalt doar saamn met aandere bloasmuziekstieln oonder, zo as Egerländer, skoonwal Egerländer mear n soort marsmuziek is. Ook wörd de Clevelandstiel polka vake as nen verwaant van Oberkrainer ezeen.

Oetgoande verbeendige[bewark | bronkode bewarken]