Noorwegen

	Kongeriket Norge/Noreg
	; Kaarte van Noorwegen
	Baosisgegevens
Officiële laanstael	Noors (Bokmål, Ni'jnoors), Samisch
Heufdstad	Oslo
Regeringsvorm	Parlementaire konstitutionele monarchie
Geleuf	luthers
	Geografie en bevolking
Oppervlakte; - waeter	385 207 km² ; 6%
Inwoners; - Dichthied	5 627 400 (2026); 15 inw./km²
Koordinaten	65° 0′ N, 12° 0′ O
	Overige
Volkslied	Ja, vi elsker dette landet;
Muntienhied	Noorse krone (NOK)
Tiedzone	+1
Nationaole feestdag	17 meie
Web \| Kode \| Til.	.no \| NOR \| 47

Noorwegen (Noors: Norge (uutspraoke: norjè) of Noreg, Noord-Samisch: Norgga gonagasriika, Lule-Samisch: Vuona gånågisrijkka, Zuud-Samisch: Nøørjen gånkarijhke), officieel et Keuninkriek Noorwegen, is een laand in Noord-Europa. Et leit op et Skandinavisch schiereilaand, en greenst an Zweden, Finlaand en Ruslaand.

Noorwegen is krekt as Nederlaand een konstitutionele monarchie. De hudige keuning is Harald V. De heufdstad van Noorwegen is Oslo. Aandere belangrieke steden bin Bargen, Trondheim en Stavanger. Tot Noorwegen beheurt et eilaand Bouvet in de Zudelike Ieszee. Noorwegen eist ok een diel op van Antarktika. Bie et referendum het Noorwegen et lidmaotschop van de Europese Unie ofwezen. Et laand is dus gien EU-lid en ok gien kandidaot-lid. De heufdgodsdienst van Noorwegen is et lutheranisme.

Tael

De overgrote meerderhied van de Noren praoten Noors. De Samische minderhied praot daornaost ok heur eigen tael, et Samisch. In et uterste noorden, in de gemienten vlakbi'j de Finse greens, wodt van ooldsher ok Fins praot.

Et Noors het twie officiële standerdvariaanten: et Bokmål, dat nauw op et Deens liekt, en et Nynorsk (Ni'jnoors), dat op basis van Noorse dialekten vormd is.

Perveensies

Noorwegen is verdield in 15 perveensies (Noors: fylker). De perveensies bin onderverdield in 357 gemienten (Noors: kommuner). In et geval van Oslo valen perveensie en gemiente saemen.^[3]

#	Perveensies 2024	Administrative center
3	Oslo	Oslo
11	Rogaland	Stavanger
15	Møre og Romsdal	Molde
18	Nordland	Bodø
31	Østfold	Sarpsborg
32	Akershus	Oslo
33	Buskerud	Drammen
34	Innlandet	Hamar
39	Vestfold	Tønsberg
40	Telemark	Skien
42	Agder	Kristiansand
46	Vestland	Bergen
50	Trøndelag	Steinkjer
55	Troms	Tromsø
56	Finnmark	Vadsø