Ni'je Vene

Uut Wikipedie, de vrye encyklopedy
Naar navigatie springen Naar zoeken springen

Ni'je Vene (Nieuwe Veen) is een stokkien onbereurde netuur van zo'n elf bunder groot, elegen an de Emtenbroekerdiek in 't Oaveriesselse dörp Bruchtenveld, gemiente Hardenbarg. Dit kleine risservaat, eigendom van Staotsbosbeheer, maj niet inkomen. 't Is slim drekkig en niks vertrouwd. In de midden lig een meertien, hielemaole bedekt mit kroes. Op dartig meter diepte bint braggel en vene peild: nog aal gien vaste laoge.

De walkaante is verlaand, 't vene golft d'r verraoderlijk. 't Giet um een zogenaamde pingoruïne, ontstaon in de leste iestied. Iederiene in de umgeving wet: ' 't is een gat zunder bodem; aj d'r in valt, kooj d'r niet weer uut'. Rondum 't meertien kuj de resten van uutebaggerde trekgatten zien. Vief soorten veenmos (Sphagnum palustre), (S. squarrosum), (S. papillosum), (S. fimbriatum) en (S. cuspidatum) zörgt veur ni'je veenvörming. De roege smele, tormentil, glidkruud en zunnedauw gedi'jt hier, en ok hebt ze 't zeldzaome kamvaren (Dryopteris cristata) evunden.

Nuvola apps ksig.png Dit stok is eskreven in 't Zuudwest-Zuud-Drèents van de Drèents-Oaveriesselse grèensstreek.