Ni'je Hanze

Uut Wikipedia, de vrye encyklopedy
De Ni'je Hanze muj niet in de wiere halen mit de Ni'je Hanze Interregio.
't Stadhuus van Tartu mit de Hanzedag in Estlaand (2005)

De Ni'je Hanze is n cultureel, sociaol, economisch en börgerlijk samenwarkingsverbaand van steden en plaatsen die as vrogger bi'j 't bondgenootskop van handelsgildes de Hanze eheurd hebben, of daor veule haandel mit hebt edreven. De Ni'je Hanze wördden in 1980 op-ericht in Zwolle en is vandage 't grootste vri'jwillige bondgenootskop van steden en plaatsen.

De Ni'je Hanze wil bi'jdragen an Europese ienheid deur 't concept van de internationaol geörienteerde Europese stad/gemiente vanni'js vörm te geven. 't Verbaand wil ok 't historisch besef van de mitwarkende plaatsen vergroten en samenwarking maank dizze plaatsen anfietern. Jongeren wördt specifiek betrökken in 't pregramma de Jongerenhanze.

Orgenisaotie[bewark | bronkode bewarken]

Beslissings binnen de Ni'je Hanze nimt een Vergadering daoras alle lidsteden en -plaatsen iene stem in hebt. Speciaole bevoegdheden hef een Commissie daoras alle laanden mit lidsteden en -plaatsen íen stad (en Duutslaand vief steden) veur kiest. De laanden mit zokke plaatsen bint op dit moment België, Engelaand, Estlaand, Finlaand, Fraankriek, Ieslaand, Letlaand, Litouwen, Nederlaand, Noorwegen, Polen, Ruslaand, Skotlaand, Zweden en Witruslaand. Wieder is d'r een Raod mit een president (de veurman, altied de börgemeister van Lübeck umdet die stad vrogger de leider van de Hanze was) en twei vicepresidenten. Sund 2004 is d'r een Hanzegilde mit taken as 't organiseren van bi'jienkomsten en publiekscampagnes.

Hanzedagen[bewark | bronkode bewarken]

Alle jaoren wördt d'r in ien van de lidsteden een Hanzedag eholden daoras leden menare in de mute gaot, heur steden anpriest en mit menare risselveert, onder aandere oaver een biezunder thema det alle jaoren aanders is. Op de Hanzedag in de Nedersaksische stad Stood hebt ze besloten um as solidaire actie van alle Hanzesteden de Sint-Nikolaaskathedraal (1113-1123) in de Hanzehof van Novgorod te restaureren.

Oaverzicht van de ehölden en eplande Hanzedagen[bewark | bronkode bewarken]

  1. 1980 Zwolle (Nederlaand)
    • Gin hanzedag in 1981
  2. 1982 Düörpm (Dortmund) (Duutslaand) „1100 jaor Düörpm – Düörpm en de Hanze“
  3. 1983 Lübeck (Duutslaand) „Historische binnenstad“
  4. 1984 Neuss (Duutslaand) „Ekenomische ontwikkeling van de steden“
  5. 1985 Broenswiek (Duutslaand) „Cultuur, wetenskop, technologie“
  6. 1986 Duisborg (Duutslaand) „Stedenbonden“
  7. 1987 Kalmar (Zweden) „Milieu“
  8. 1988 Keulen (Duutslaand) „Toerisme“
  9. 1989 Hambörg (Duutslaand) „Europese haandelsruumte“
  10. 1990 Dèventer en Zutfent (Nederlaand) „Communicaotie maank ondernemen en steden“
  11. 1991 Wesel (Duutslaand) „Hanze – baand zunder grèenzen“
  12. 1992 Tallinn (Estlaand) „Weeropblui van de Hanzehandel“
  13. 1993 Münster (Duutslaand) „Steden en de opbouw van Europa“
  14. 1994 Stood (Duutslaand) „De stadslocht mak oe vri'j“
  15. 1995 Soest (Duutslaand) „Hanze van de ni'je tied: Grondslagen veur begrip, welvaort en vrede“
  16. 1996 Bargen (Noorwegen) „De zee verbindt oes“
  17. 1997 Danzig (Gdansk) (Polen) „Hanze investeert in de Hanzesteden“
  18. 1998 Visby (Zweden) „Mit de Hanze de toekomst in de mute“
  19. 1999 Oldnzel (Nederlaand) „Op de drumpel van een ni'je ieuw“
  20. 2000 Zwolle (Nederlaand) „Broggen bouwen veur de toekomst - Internationaole kennis- en cultuuruutwisseling“
  21. 2001 Riga (Letlaand) „Lèventige geschiedenis - lèventige geest“
  22. 2002 Brogge (België) „Een privilege veur iederiene“
  23. 2003 Frankfort an de Oder (Duutslaand) en Słubice (Polen) „Mit menare hen Europa“
  24. 2004 Turku (Finlaand) „Vitaliteit deur samenwarking“
  25. 2005 Tartu (Estlaand) „Groot Middelieuwenfeest“
  26. 2006 Ossenbrügge (Duutslaand) „Europa in Osnabrück“
  27. 2007 Lippstadt (Duutslaand) „Mit menare handelen“
  28. 2008 Soltwedel (Duutslaand) „Toekomst ontmoet verleden“
  29. 2009 Novgorod (Ruslaand) „De grenzen verleggen …“
  30. 2010 Pärnu (Estlaand) „Oonze dagelekse toekomst“
  31. 2011 Kaunas (Litouwen) „Herinneren, herstellen, trots wea'n“
  32. 2012 Lünborg (Duutslaand)
  33. 2013 Hiarwede (Duutslaand)
  34. 2014 Lübeck (Duutslaand)
  35. 2015 Viljandi (Estlaand)
  36. 2016 Bargen (Noorwegen)
  37. 2017 Kampen (Nederlaand)
  38. 2018 Rostock (Duutslaand)
  39. 2019 Lünen (Duutslaand)
  40. 2020 Brailen (Duutslaand)
  41. 2021 Riga (Letlaand)
  42. 2022 Neuss (Duutslaand)
  43. 2023 Thorn (Toruń) (Polen)
  44. 2024 Danzig (Gdansk) (Polen)
  45. 2025 Visby (Zweden)
  46. 2026 Stargard (Stargard Szecinski) (Polen)
  47. 2027 Broenswiek (Duutslaand)
  48. 2028 Stralsund (Duutslaand)
  49. 2029 Wismer (Duutslaand)
  50. 2030 Zwolle (Nederlaand)

Uutgaonde verwiezing[bewark | bronkode bewarken]

Dit stok is eskreven in 't Zuudwest-Zuud-Drèents van de Drèents-Oaveriesselse grèensstreek.