Keulen

Blik op 't centrum van Keulen. Van links naor rechts de olde binnenstad, de Kölner Philharmonie, 't Museum Ludwig, de Dom, de Hohenzollernbrogge, 't centraol stesjon en de Musical Dome

Keulen (Duuts: Köln, Keuls: Kölle; Nedersaksische uutspraoke: Keuln of Köln) is een stadsdistrict (kreisfreie Stadt) en metropool in de Duutse dielstaot Noordrien-Westfaolen. De stad lig an weerskaanten van de Rien, ten noorden van Bonn en ten zuden van Neuss en Düsseldörp. Mit 1.017.155 inwoners op 31 december 2011 is Keulen de vierde stad van Duutslaand en de grootste in de dielstaot. In 't stedelijke gebied woont zo'n tweeënhalf miljoen lu. Keulen is de heufdstad van 't Regierungsbezirk Keulen en de officieuze heufdstad van 't Rienlaand.

De geschiedenis van de stad giet meer as 2000 jaor terogge. Vanof de middelieuwen speulde Keulen een belangrieke rolle in karke en poletiek. Töt end 13e ieuw heurden 't bi'j 't Keurvörstendom Keulen. De stad is beroemd um zien rieke geschiedenis, 't culturele en bouwkundige arfgoed en een köppel grote en internationaole evenementen, zoas 't karneval en de haandelsbeurzen. Keulen hef ien van de oldste universiteiten van Europa en dielt een vliegveld mit Bonn.

Dit stok is eschreven in 't Zuudwest-Zuud-Drèents van de Drèents-Oaveriesselse grèensstreek.