Ni'j-jaorwinnen

Uut Wikipedie, de vrye encyklopedy
Naar navigatie springen Jump to search

Ni'j-joarwinnen is n Nedersaksies gebroek waorbi'j de kinder op ni'j-jaorsdag langs de deure gaot van de naobers.

De kinder, umsgeveer degeenn dee't nog op de laegere skole zit, gaot met n tröpken langs de naobers um ze n gelukkig ni'j-joar to te wensen:

  • Gelukkig ni'j-jaor, he'j de toete al klaor!?

As belonning kriegt ze dan de ni'j-joarstoete: n botterhamzäksken woar t neudige te snopen in zit. Vake zit er in de toete:

  • n appel of mandarientjen
  • pelpinda's
  • lekkeukskes: soort ronde beskwietjes, met an ene ziede n felgekleurd glazuur
  • opzetkeukskes: kleine ronde keukskes met n gat in t middn, waor da'j dan n ander klein keukske, dat vake n dier veurstelt, met n pinneken an de onderkante in könt zettn
  • wat kleine snoperi'je

De toete wördt ok wal met-egeven an de kinder dee't in de eerste waeke van t ni'je jaor bie opa en oma komt.

Het gebroek kömp teggenswoordeg minder veur, maor wörd op t platteland in onder meer den Achterhook nog wal in stand eholden.

Nedersaksies[bewark | bronkode bewarken]

  • Grönnegs: nijjoar ôfwinnen - Tegenswoordeg nait meer doan, ôfschaft noa drok van lokoale overheden dij van t geslenter laangs de deuren ôf wollen. Vrouger gongen overdag de kinder bie deuren laangs veur slik (nait ien n puutje). Ien oavend gongen de wazzens noar ainander tou om mit haile bert n klokje te drinken (nijjoarsverziede).
  • Tweants: niejjoar winn - Op niejjoar goat de wichter met de ooldn bie alle femilie, noabers en könnigheaid an um ze niejjoar te weunsken. Dit was vroger oetgebreaider as rechtevoort. Vroger bleef de vrouwe in thoes um alle geste te oontvangn, terwiel at de kearls met de wichter* op pad gungn um niejjoar te winn. De wichter kriegnt dan slik of n poar seant, woernoa at iederene wier wieter geet. Rechtevoort wörd dr vake met de femilie of eköjerd um bie nen eum of tante te komn, zodet iederene tegeliekertied bie mekoar kan wean. Dit wisselt ze dan per joar of. De noabers komt aait op ooldjoarsnacht al bie mekoar um gezamelik veurwoark of te stekn, gelokkig niejjoar te weunsken, en noa de tied bie mekoar te komn vuur n hepken en n dreankn.
  • Veluws: niejjaor ofwinnen - De eerste wezen bie 't niejjaor wunsen. Vrogger gungen ze de hele buurt langerst um femilie en bekenden een gelukkig niejjaor te wunsen, de kienders kregen mit niejjaor dan wat centjes.