Nedersaksisch Vocaal Ensemble

't Nedersaksisch Vocaal Ensemble is een zangkoor det doende is mit 't maken en uutvoeren van koorwaarken in de Nedersaksische streektalen van Nederlaand en Oostfrieslaand (Duutslaand). 't Ensemble wil de beschikbaorheid en de kwaliteit van uutvoering van Nedersaksische koorarrangementen bevordern. Daorumme laot ze iederiene die mit wil doen een stemtest deurlopen. Ze rippeteert in 't Markehuus in Grol (Drenthe).

Geschiedenis

In meert 2006 wördden in Winschoot in Grunning 't Ede Staal Festival ehölden, daoras een gelegenheidskoor van 200 luu liedties van de Grunningse zanger Ede Staal hef ezungen. Wegens 't succes hiervan wolden dielnemers Trijnie Groeneveld uut Slien, Henk Kroeze uut Em en Jaap Mulder uut Westerlee op een meer structurele wieze gangs mit koorzang in de streektaal. Mit de dirigent van 't gelegenheidskoor, Herman Koster uut Winschoot, hebt ze op 30 mei 2006 een koor op-ericht det allent in 't Nedersaksisch zingt.

Uutgaonde verwiezing

Webstee van 't Nedersaksisch Vocaal Ensemble

Dit stok is eskreven in 't Zuudwest-Zuud-Drèents van de Drèents-Oaveriesselse grèensstreek.