Moedag

Uut Wikipedia, de vrye encyklopedy

Up Moderdag, wördt et moderskop evyrd. Vake valt dit in maert, april of mei. De land kan dit anders weysen. In Naederland, Belgye en vöäle andere landen is moderdag up de tweyden sündag van mei. Mar in de ümgeawing van Antwerpen wördt moderdag sünds 1913 op 15 augustus (Unse-Leve-Vrouwe Heymelvårt) evyrd.

Dissen dag steet in et teaken van et uwene moder verwennen. Vake kregt et menske een untbyt up bedde en kado's. Et huusholdige hoovt sy neet te doon (as sy dat al döäd), want vader en de wichter nemt höyr dat uut de handen. Kleindere wichter hebt vake up skole een kado in mekare eprütset. Ouk wördt der up dissen dag opu op-esöcht. De bloomhandel hevt et der ouk drok med an dissen dag.

Oorsprüng[bewark | bronkode bewarken]

Et verearen van moders is misskeen wal eyne van de oldste traditsys. De olde greken en de germanen hadden al en moder-kultus. So verearden de greken med vöäl seremonieel Cybele of Rhea, de grote moder van de goden. Sy wördden op de 15e van maert med een groot feest epreasen. De germanen verearden Nerthus in de earste ewe, en in latere ewen waren Vrya en Frigg moder-godinnen dee as in et vöärjår vöäl andacht kreygden.

De katolyke karke hevt ouk een lange traditsy van Mary verearinge, as de moder van Jesus.

Dit artikel is eskreaven in et sallandsk.