Modergodinne

Uut Wikipedie, de vrye encyklopedy
Naar navigatie springen Naar zoeken springen

De modergodinne is een andüding vöär vöäle godinnen dee oaver alle tyden en plekken anbeaden wördden, en sy hebbet allemåle gelyke dat sy een moder-achtige rolle spöälet. Et bint symbools vöär geboarte, gröi, vrüchtbaarheyd en vryen.

Et menske hevt verskillende namen, so as Venus, Gaia, Nerthus, Moder Mary en gå mar döär.

Uut de vöärgeskydenisse hebbet lüde vöäle bayldtys evünden van een vrouwe med breyde höppen en dikke börsten. Disse beyldtys bint emaked uut klei, bütte of steyn. Van disse denket lüde nudaags dat der in de oortyd ouk al gelöyved wördden an een weyrldwydse modergodinne. Den wörd Venusbeyldtys enömed.

Een andere betekkenisse hevt sy as Moder Aerde of Moder Natuur.

Teagenwoordigske heksen doot ouk een modergodinne anbidden. Sy segget dat et menske 3 förms hevt: de dearne, de moder en et olde wyv. Wat gelyke steyt an de wassende måne, de vulle måne en de ofnemmende måne.

Bynå oaveral hevt so een godinne dan ouk een halve måne as höär symbool. Vake wörd Moder Mary ouk of-ebeyld as med een halve måne.

Nuvola apps ksig.png Dit artikel is eskreaven in et sallandsk.