Mildam

Mildam (Fries: Mildaam) is een dörp in de gemiente Et Vene, in de Nederlaanse perveensie Friesland. Et dörp leit in et oosten van Et Vene an de Schoterlaanseweg in een bosrieke omgeving en an de noordziede van de revier de Kuunder.

In Mildam zit de Tjongerschoele (basisonderwies) en de Ekokattedraal van Louis le Roy. Op et karkhof staot ok ien van de klokkestoelen in Frieslaand.

Mildam is al ieuwen oold. Et leit op een zaandrogge, waor in et vere vleden al meensken woond hebben, mar in alle gevallen wodt et dörp Mildam al in 1408 in een schriftelike bron nuumd. D'r mossen doe vuuftig "oolde schelden" betaold wodden an de bisschop van Utrecht. Et dörp lag an de verbiendingsweg tussen de hoge zaandgronden van Drenthe en Gaasterlaand. Et wodde ok wel Meyledam nuumd.