Mick Jagger

Uut Wikipedia, de vrye encyklopedy
Nå navigaty springen Nå söken springen
Foto van Mick Jagger in 2014

Sir Michael Philip Jagger (van den 26. juli 1943) is nen britsken sanger, leedkesskryver, aktöör en filmmaker den as wearldwyd bekend is as sanger en uprichter van The Rolling Stones. Jagger is al meyr vyvtig jår gangs en wördt seen as eyne van de "populäärste en meyst invloodryke bandleiders in de geskydenisse van de rock 'n' roll."[1] Syne upmarkelike stemme en uutbündige uptreadens en et gitaarwark van Keith Richards wordet seen as et handelsmark van de Rolling Stones. Jagger kreag de pers achter sik an döär syn geknoi med vrouwlüde en wördt vake afeskilderd as nen kulturelen drådnaegel.

Jagger is geboren en upegroid in Dartford in Kent. Vöär at hee de Rolling Stones uprichteden, güng hee hen studeren an de London School of Economics. Jagger hevt med Keith Richard de meyste nummers van de Rolling Stones eskreaven en see warket noch altyd samen. In de tweyde hälvde van de jåren '60 van den 20. eyw spöälden Jagger med in de films Performance (1970) en Ned Kelly (1970), al was dår neet alleman eaven good oaver te sprekken. Vanaf 1985 probeerden hee et te maken as soloartist, med en album She's the Boss. In 2009 had hee noch en sydprojekt, med ne elektroniske musikgrup SuperHeavy. In de tachtiger jåren kunde hee al minder med de andere leaden van de Rolling Stones, vöäral med Keith Richards. Toch hevt hee med de Rolling Stones noch altyd meyr sukses ehad as med syne eygene sydprojekten.

In 1989 wör Jagger upenöämen in de Hall of Fame van de Rock and Roll, in 2004 in de Music Hall of Fame van et VK. Beide med en sunder de Rolling Stones wüst hee med 13 singles nummer eyne te worden in britske en amerikaanske hitlysten, de top teene te halen med 32 singles en de top 40 med 70 singles.

In 2003 wör hee ridderd vöär syne bydragen an populäre musik. Jagger is eynmål trouwd (en skeiden) en hevt verskeidene andere verholdingen had. Jagger hevt acht kinder med vyv vrouwlüde. Hee hevt ouk vyv kleinkinder en wör in 2014 oavergroutvader, do as syn kleindochter Assisi bevöl van nen dochter. Jagger syne bankrekkening wördt eskatted up € 297 miljoon.

  1. Erlewine, Stephen Thomas. "Mick Jagger Biography". AllMusic. Bekeaken up 25 january 2021