Matijn Nijhuis
Peter Matijn Nijhuis (Almelo, den 7. oktober 1974) is nen nederlandsken juurnalist en nysleaser vöär de NOS up Radio 2.
Loupbane[bewark | bronkode bewarken]
Nijhuis begünde as vrywilliger by Radio Almelo. Hee güng hen juurnalistik studeren, mär makeden dat neet af. Med 22 jår küm hee as nysleaser en verslaggeaver by Omroep Amersfoort te warken. Et jår dårup küm hee by RTV Oost, wåras hee verskeidene radio- en tv-programma's presenteren deade. Mei 2000 deade hee de ekstra TV Oost-uutsendingen presenteren oaver den vüürwarkramp van Enske.
In datselvde jår vertröäk Nijhuis når de NOS, wåras hee betrökken rakeden by et 3FM Nieuws (den vöärlouper van NOS op 3). In 2001 güng hee voordan når et NOS Radionieuws, üm nysberichten te leasen up de andere publike radiokanalen. In 2006 küm Nijhuis weaderümme by RTV Oost, wåras hee et morgenprogramma Klaarwakker vöär de radio makeden en nysleaser was vöär de televisy. Twey en en halv jår later güng hee weader når de NOS.[1] Hee was te höyren vöär verskillende publike radiokanalen. Underwyl warkeden hee med an et NOS Radio 1 Journaal en et programma Met het oog op morgen, vöärdat hee in 2016 vasten vöärleaser wör by NPO Radio 2.[2]
Persöönlik[bewark | bronkode bewarken]
Nijhuis hevt cerebralen parese (nen harsenverlamming), wat by em sorget vöär en spastisk beyn. Dårdöär hevt Nijhuis sunder hülpe moide med loupen. In 2006 kreag hee et toch noch vöär mekander üm up entingen med botox ne alternative wandelveerdaagse te loupen, üm geld by mekander te krygen vöär et gode dool.[3] In 2017 was hee ambassadöör vöär Steptember, ne stichting wat geld insammelt vöär undersöök når CP. Seyd 2021 dwingt em de CP in nen rulstool.
Eande van 2009 vröög hee vöär de radio by 3FM synen vreend te trouwen.[4] Ende 2021 güngen see weader uut mekander[5]. Seyd 25 december 2016 düt hee alle weaken nen vlog-ryge underholden by YouTube.[6] In ne uutsending van et programma Het oog wil ook wat verklården Nijhuis in 2021 dat hee lidt an gesichtsblindheid (prosopagnosy). [7]
Y muttet et mär weaten[bewark | bronkode bewarken]
- In 2012 deade hee vöär 3FM Serious Request, wat dat jår in Enske hölden wör, et nys van de NOS in et twentsk leasen, as underdeyl van ne vulleydig twentske uutsending med Michiel Veenstra en Ilse deLange.[8]
- In 2013 was Nijhuis höyvdredaktöör by evenementensender Kermis FM.[9]
- in 2019 wör Nijhuis uutetöpen töt 'besten nysleaser' by de RadioFreak.nl Awards.[10]
Brunnen[bewark | bronkode bewarken]
- ↑ Radiofreak.nl. "Martijn (sic) Nijhuis weer terug naar de NOS". Skreaven up den 19. november 2008. Bekeaken up den 2. mei van 2014.
- ↑ NPO Radio 2. "Matijn Nijhuis vaste nieuwslezer in de middag". Skreaven up den 23. december van 2015. Bekeaken up den 25. määrt van 2016.
- ↑ Tubantia.nl. "Actie Matijn succes". skreaven up 22. juli 2006. Bekeaken up 25 määrt 2016. Brunne: Tubantia
- ↑ Michiel Veenstra als huwelijksmakelaar, De Telegraaf, 29 december 2009.
- ↑ NPO Radio 2. Matijn Nijhuis over scheiding: 'Was ik echt behoorlijk kapot van'. Bekeaken up 19 july 2023.
- ↑ YouTube-kanaal Matijn Nijhuis.
- ↑ NPO Radio 2.nl. "Matijn Nijhuis lijdt aan gezichtsblindheid: 'Ik herken mijn moeder soms niet'". Skreaven up 28. juni 2021. Bekeaken up 20. november 2021.
- ↑ 3FM Serious Request 2012 NOS Journaal in het Twents (YouTube)
- ↑ Radiofreak.nl. "NOS-nieuwslezer Matijn Nijhuis hoofdredacteur van Kermis FM". Skreaven up 26 april 2013. Bekeaken up 2 mei 2014.
- ↑ Radiofreak.nl. "Matijn Nijhuis winnaar RadioFreak Award Beste Nieuwslezer." Skreaven up 24 oktober 2019.