Marga Zwiggelaar

Marga Zwiggelaar ('t Ogeveine, 1963 - Nijmegen, 25 febrewari 2026) was een Drèentse dichteres en prosaskryvster. Dichtwark gaf se üüt onder de name Annije Maria Brans. Sinds 2010 dröög se by an Drèents letterkundig tydskrift Roet.

Onder de name Cunera van Schaick dröög se in 2012 by an 't e-book Hilde, een digitale versameling Drèentstalige poësy.

Zwiggelaar gebrüükte vööral de vrye varsvörm. Höör gedichten bint vake inspireerd döör natüür, relygy, mythology en simbolisme. Thema's dey as vake vöörkoomt, bint de dood, vergaankelikheid, 't mèenselike tekört en onvermogen, en de relaatsy van de mèense töt syn ümgeving.

In höör körte verhalen bint mit name mèensen in de moderne måtskoppye een inspiraatsybron. Net as in höör gedichten, bint in höör verhalen de feiten neet altyd wat se lykt.

In 2015 kwaamp onder de skryversname Annije Maria Brans höör eerste dichtbündel üüt, Niks is zo hiete as old ies (Het Drentse Boek).

In 2019 verskeen ok by het Drentse Boek Maagie in het ies, een historyse misdådroman dey spöölt op 't Ogeveine. Mit disse roman wün Zwiggelaar de Dagblad van het Noorden Streektaalprys van 2019 in de kategory literatüür.

Zwiggelaar was van 2001 töt 2012 direktöör-konservator van 't Hoogeveense kültüürhistorische müseüm de 5000 Morgen. Ok was ze coördinator by 't Hunebedcentrum in Börger, en vanof 2004 stün ze mit höor eigen adviesbüreau aoverheden en orgenisåtsies by op 't gebeed van köönst, kültüür en geskydenis.

Op höör 56ste günk se as non by de Dominicanessen van de Heilige Familie in Neerbosch by Nymegen.

Uutgånde verwysings

• 't Huus van de Taol åver Annije Maria Brans (Marga Zwiggelaar)
• Artikel åver 't verskynen van Maagie in het ies
• RTV Drenthe: "Marga Zwiggelaar (62) uit Hoogeveen overleden"
• Katholiek Nieuwsblad: "Zuster Marga Zwiggelaar (1963-2026) wist traditie en eigenzinnigheid te verbinden"

Dit artikel is eskreven in 't Zuudwest-Drèents van de Drèents-Åverysselse grèensstreek.