Majorka

Majorka (Katalaans, Spaans en meest vuurkommende spelwieze: Mallorca) is t grötste eailaand van de Balejoarn, ne eailaandngroep in de Middellaande Zee, dee't bie Spanje anheurt. t Is 3640 kilometer in t veerkaant en dr wont ongevear 846.000 leu. De heuwdstad is Palma, wat doarbie ook de heuwdstad is van de Balejoarn. De offisjele sproakn beent t Katalaans en t Spaans. De lokale Katalaanse sproake is t Mallorquín.

Geskiedenisse

Majorka wordt zeker al doezenden joarn bewoond. Det blik oet grafheuwels van tusken de 4000 en 6000 joar vuur Kristus. t Eailaand wör in 120 vuur Kristus duur de Romeinen in-enömn, dee't de stad Palma bouwn en t eailaand riek maakn. Majorka dreeidn op de haandel in oliewen, wiendruuwe en zooltwinning. De soldoatn oet t Romeinse leager dee't van Majorka kömn, warn bekeand um öar keunsten met n slinger. Noa öar kömn de Vandaaln (450 n. Kr.), de Byzantienn (534), dee't dr t Kristendom invoordn, en de Moorn (902). In 859 wördn de Balejoarn duur de Vikings an-evöln en löag-ereuwd. Ze kömn eerst op Ibiza, doo op Formentera, doarnoa Majorka en as leste op Menorka. In 1229 köm Koobs I (Jacobus I, Spaans: Jaume I) met Aragonese soldoatn en nöm Palma in. De moslims bleewn nog terugge vechten in de boargen töt 1231. Van 1276 töt 1344 was t eailaand n zelfstaandig keuninkriek. In dee tied warn t ene moal Palma en t aandere moal Perpignan de heuwdstad. Doarnoa bleef t verskeaidene joarhoonderden ne proveensie van t keuninkriek Aragón. De Balejoarn wördn pas in 1983 zelfstaandig.

In juli 2009 hef op Majorka de ETA nen bomanslag epleegnd, woerbie't twee plietsiekearls van de Guarda Civil in öare dienstwage oet de tied kömn. Vuur dee tied was dr nog nooit nen ETA-anslag ewest op Majorka, skoonwal ze wal es probeerd hebt um de Spaanse keuning Juan Carlos umme te brengn, den't n zommerhoes op Majorka hef. Dit kon vuurtieds vuurkomn wordn.

Ligging en laandskop

Majorka is 3640 kilometer in t veerkaant en hef ongevear 214 inwonners de kilometer. t Is t milnste eailaand van de Balejoarn. Op t zuudn ligt Ibiza en op t noordn Menorka. Kortbie Majorka lignt nog twee kleaine eaileandkes; Kabrera en Dragonera.

Marjorka hef twee boargachtige gebeedn, dee't allebeaide ongevear 70 kilometer laank strekt. n Heugsten boarg van t eailaand is de Puig Major met 1445 meter.

t Klimaat is dr Middelaands; hete dreuge zommers en zachte natte weenters. In gedeeltes as de Serra de Tramuntana kan t mangs sniejn.

Indeling

Majorka wördt oonderverdeeld in gemeentes:

Sport

De bekeande toptennissers Rafael Nadal en Carlos Moyà, en MotoGP-rieder Jorge Lorenzo komt van t eailaand Majorka. Wieders zitt in de heuwdstad Palma twee grote voetbalvereniges; Real Mallorca en Club Deportivo Atlético Baleares.

n Aander joarliks-eheuldn sportgebuurn is de Challenge Mallorca (ook wal de Volta Ciclista a Mallorca neumd). Disse wielerroonde besteet oet vief ofzeunderlike wedstriedn en besteet seend 1992 en wör ewunn duur bekeande fietsers as Laurent Jalabert, Alex Zülle en Alejandro Valverde.

Toerisme

Majorka is ne geleefde vakaansiestean, vuural bie Duutsers en Britn. De bekeandste straandplekn lignt in t zuudn. t Bekeandst doarvan is t straand Playa de Mallorca, det an de heuwdstad lig. Palma Nova, en Santa Ponsa lignt doarvan op t westn, El Arenal, Playa de Palma en Ca'n Pastilla op t oostn. An de noordkaante he'j Alcudia, woer't vuural leu met keender hengoat. Ook boetn t zommer umme komt dr völle leu, vake ook oolde leu dee't doar de weenter duurkomt.

Iej köant op t eailaand komn met t vleegtuug op Lochthaawn Palma de Mallorca of met de vearboot oet Barselona, Valensia of Denia.

Publiekstrekkers van Majorka beent Cap Formentor, Valldemosa en Sóller, en de drupsteengrotn van Ham en Drach.

Oetgoande verbeendiges

Commons: Majorka - plaatjes, filmkes en/of gelüüdsbestanden.