Lüttersand

Luttersand by den Dinkel

Et Lüttersand (lokale skryvwyse: Lutterzaand) is en natuurgebeed in de gemeynde Löster in Twente. Et ligt tüsken de dörpe De Lutte un Daenekamp un den anblik van et landskop wördt bepåld döär et rivyrken den Dinkel, wat vry döär et land slingert.

Et beakendal van den Dinkel steyt to book in de Habitatrichtlijn as Dinkelland. Et is en aerdkündig monument ümdat der de aerdlågen van de lätste 15.000 jår to seen sint, un de 10.000-jårgrense is düdelik to seen. By den "grönen start" is in de kneewage van nen slinger van den Dinkel de untwikkeling van nen krunkelwaerd to seen. Den over in den butenbocht steakt der en paar meter höyger boavenuut un löpt stik af.

Der groit en emengd busk van junge un olde waidannen, nöäst heyle lappen med heyde un wakelbüsken up olde sandverstuvingen. Deers dee as der hüset sint under meyr den ysvoagel, overswalve, nachtswalve, swarten un bunten specht, den klemmerd un ålkraie.

Et gebeed kummet vöäle turisten up af üm to wandelen, fytsen un voagelkyken. De Lutterzandweg löpt der hen. Oaver de Kribbebrug kan et den Dinkel oaver. Rund et gebeed ligget en paar campings un eathüse.