Kikvors

Een kikvors

Een kaort mit daorop in 't zwart, de plekken waor de kikvors veurkomt

Een kikvors of kikker (Anura) is een amfibisch beest uut de orde van de kikvorsachtigen, die in verschillende landen en weelddelen veurkomt.

Een kikvors leeft op 't land, bieveurbeeld in 't gres en sommige soorten in bomen, maar meestentieds in zoet water. In zout water kunnen ze niet overleven.

Ontwikkeling

Een kikvors komt op de weeld as een donderpad (of donderkop) die uut één van de eitjes komt die 't vrouwtjen leit. De eitjes neumen we kikkerdril. Donderpadden hen vinnen en kieuwen. As ze groter worren raken ze der start en kieuwen kwiet en daor kommen vier lange benen veur in de plek. Een volgreuide kikvors kan een heel eind springen mit disse benen.

Beschrieving

Ze hen een lange tong die ze gebruken um insecten te vangen. De kikvors maakt een ampart geluud, dat kwaken heet. Sommige soorten bin giftig, 't gif van sommige soorten is zelfs zo giftig da-j der an dood kunnen gaon.

In landen as Frankriek, China en midwesten van Amerika eten ze kikkerbilletjes.

Nedersaksisch

• Drèents: kikker(d)
• Grönnegs:
  • kikker
  • aalbert
  • pog
  • vors
• Oostfreisk:
  • frötske
  • hoppetoets (Platduutske skriefwies: Hoppetutz)
  • pog(ge), poede (Platduutske skriefwies: Pudde)
• Stellingwarfs:
  • kikker
  • podde
• Tweants:
  • kikvo(r)s
  • kikker
• Veluws:
  • kikker(d)
  • kikvors