Keflavík

Uut Wikipedie, de vrye encyklopedy
(deurestuurd vanaof "Keflavik")
Gao naor: navigasie, zeuk
Ligging van de gemeente Reykjanesbaer

Keflavík (uutspraak: Keplawiek) is n stad in Ieslaand mit zo'n 8.169 inwoeners op t schiereilaand Reykjanes, zo'n vuuftig kilometer zuudwestelik van de heufdstad Reykjavík. In t zujen van de stad lig t kleinere Njarðvík, en tegen t vliegveld an lig de wiek Ásbrú (heetten vrogger: Vallarheiði[1]) mit 1.700 inwoeners.

De stad Keflavík lig in de gemeente Reykjanesbær, n gemeente die op 11 juni 1994 deur t samenvoegen van Keflavíkurkaupstaðar, Njarðvíkurkaupstaðar en Hafnahrepps ontstaon is en had in 2009 zo'n 14.172 inwoeners.

An t begin van de 16e eeuw ontstung der op de plekke van waor Keflavík noen lig n Engelse haandelspost die deur de goeie ligging an de noordzeekust n belangrieke vissersplekke wördden.

In de Tweede Wereldoorlog bouwden t Amerikaanse leger der n vliegveld dat uutgreuiden tot wat noen de lochthaven Keflavík is, de internasionale lochthaven van Ieslaand. n Militaere NAVO-baosis deelden fasiliteiten mit de lochthaven. In de Tweede Wereldoorlog en de Kouwe Oorlog speulden de miltaere baosis in Keflavík n belangrieke rolle bie t in de smiezen houwen van scheepsveertverkeer en onderzeebootverkeer van de Noorse Zee en Greunlaandzee naor de Atlantiese Oseaan. Sinds de ondergang van de Sovjet-Unie is t strategiese belang van de baosis stark aofeneumen. Op 1 oktober 2006 bin de Amerikanen uut Ieslaand vertrökken en is oek t militaere deel van t vliegveld esleuten.

De meuite weerd[bewark | bronkode bewarken]

Norðfjörðsgata mit de Keflavíkurkirkja

Hoogbouw[bewark | bronkode bewarken]

Keflavík hef veur Ieslaandse begrippen aordig wat hoogbouw, wat bepaolend is veur t stadssilhouet. De gebouwen hebben allemaole zo'n bietjen acht verdiepingen en liggen verspreid in t sentrum.

Referensies[bewark | bronkode bewarken]

  1. Ieslaandse wiki: Vallarheiði

Uutgaonde verwiezing[bewark | bronkode bewarken]

Wikimedia Commons Commons: Keflavík - plaetjes, filmkes en/of geluudsbestaanden.
Nuvola apps ksig.png Dit artikel is eschreven in t West-Veluwse dialekt van Nunspeet, in de ANS.