Kattelaans
't Kattelaans is een taol die epraot wort in Kattelonië en Valencia ('t noordoosten van Spanje), in Andorra, in de Zuud-Franse Pyrénées-Orientales of Roussillon, in een klein gedeelte van de regio Murcia, in de stad Alghero op Sardinië en in het oosten van Aragón (Franja de Ponent). Daornaost worren varianten van de taol epraot in 't País Valencià (Valenciaans) en op de Balearen (Balear). Daormee praoten der meer as 10 miljoen minsen Kattelaans, of een drekt daorvan of-eleide taol. In Andorra is 't de officiële lanstaol.
't Kattelaans leit taolkundig tussen 't Occitaans en 't Castiliaans (Spaans) in. De taol is beheurlijk dialectisch verdeeld; de officiële schrieftaol, die veural ebaseerd is op 't dialect van Barcelona mar oek mit are invleujen, wort deur gien een epraot en veural roend Valencia en op de Balearen niet algemeen eaccepteerd. 't Kattelaans worde oender leiding van Francisco Franco oenderdrukt, mar is noen een officiële taol van Spanje.
De IOMTBM of AIDLCM het zich bie de resolusie van Marseille van 18/19 november 2006 oek over de beschaarming van disse minderheid en der taol uut-espreuken.