Kasjaka

n Japansen groep Hifana spölt met kasjaka's

Ne Kasjaka (Ook vake Kosika, Aslatua, Asalato, Televi en nog völle mear naamn neumd) is n van oorsproonk West-Afrikaans slagwoarkinstrumeant. t Besteet oet twee bällekes (kalebäskes van n swawaboom) an n töwken, met doarin opdreugnde zöadkes of keikes. t Ene bälleken wörd lösjes tusken n doem, wiesvinger en middelvinger eheuldn, terwiel t töwken tusken wies- en middelvinger duurlöp. Duur t aandere bälleken um n haand hen en wier te slingern, raakt beaide bällekes mekoar, wat n klaknd geluud gef. De zöadkes in de bällekes ruust met elken beweaging, wat t geluud gef van maracas. Duur met n peenk en reenkvinger t slingerbälleke op te vangn kö'j t klakn ofwisseln. Duur met twee kasjaka's te spöln, kö'j ingewikkelde ritmiese patroonn maakn.

t Instrumeant is vuural in Afrika bekeand en völgebroekt. t Is ja n goodkoop spölledeenk, woer'j oe met n betn oefening toch deagelaank met köant vermaakn. Doarnöast is t ook in Japan onmeundig geleefd ewördn, en doar hooldt ze dr hele wedstriedn met.