Kamala Harris

Uut Wikipedia, de vrye encyklopedy
Kamala Harris

Kamala Devi Harris is van den 20. oktober 1964. Seyd 2017 is see senatrice vöär den amerikaansken ståt Kalifornie. Harris hevt ne upleiding as advokåte. In de Amerikaanske presidentsverkesingen van 2020 steyt see kandidåte vöär et vicepresidentskap.

Harris kümt uut Oakland, Kalifornie en studeerden af an de Universiteiten van Howard en Kalifornia, by den lätsten an de Wetskole van Hastings. Öäre loupbane begün as advokåte in Alameda County, wårnå see antrökken wör voor et distriktsadvokåtskap en later et stadsadvokåtskap van San Francisko. In 2003 wör see benöömd as distriktsadvokåt van San Fransisko. See wör eköäsen töt Advokåt-Generaal van Kalifornië in 2010 en herköäsen in 2014.

Harris is ne dochter van ne indiaske moder en nen jamaikaansken vader. Med et verslån van Loretta Sanchez in de kaliforniske senaatsverkesingen van 2016 wör see de eyrste afro- en süüdasiatiske amerikaanske senatrice. [1] As senatrice spröäk see sik uut vöär wysigingen in et verpleygingsstelsel, versupeling van kannabiswetten, nen gang når ståtsbörgerskap vöär illegal immigranten, et DREAM-wetsvöärstel, en verbud up anvalswåpens vöär börgers en wydgånde belastinghervörmingen.

Landelik völ see up döär öäre wyse van undervrågen van medwarkers van Donald Trump syne regeyring tydens senåtsverhöyren, sou as Trump syn tweyde Houggerechtshovkandidåt Brett Kavanaugh, den anklaagd was vöär seksueel vergryp.[2]

Harris stelden sikselv presidentskandidåte vöär de verkesingen van 2020 en skeiden der up 3 december 2019 med uut,[3] üm ne weake later as vicepresidente vöär Joe Biden når vöärten te treaden. Seyd den 20. januari 2021 is see de 49. vicepresidente van de Vereynigde Ståten.

Verwysingen[bewark | bronkode bewarken]

  1. ABC News. Weinberg, Tessa. Palaniappan, Sruthi. “Kamala Harris: Everything you need to know about the 2020 presidential candidate.” Skreaven up 3 December 2019. Bekeaken up 10 augustus 2020.
  2. Washington Post. Viser, Matt. “Kamala Harris enters 2020 Presidential Race.” 21 januari 2019. Bekeaken up 22 januari 2019.
  3. Herndon, Astead. Goldmacher, Shane. New York Times. “Kamala Harris Is Dropping Out of 2020 Race”. Uutgeaven en bekeaken up 3 december 2019.