Joekelille

Oet Wikipedie, de vraaie enzyklopedie
Gao naor: navigasie, zeuk
Ne mure vol met Joekelilles

Ne joekelille of oekelele (in aandere sproakn vake skreewn as ukelele of ukulele) is n kleain snoarinstrumeant. t Wörd vake (onterecht) nen "minigitaar" eneumd, umdet t doar wal völle op lik wat vörm angeet. In teegnstelling töt gitaarn hef ne joekelille mer 4 snoarn (nen gitaar hef dr ja 6).

De joekelille keump oet t 19e joarhoonderd oet Hawaii. t Was ne lokale anpassing van de oolde kavakinjo (cavaquinho), den't noar t eailaand wör invoord duur Portugese immigraantn. In de joarn '20 van t 20ste joarhoonderd wör t instrumeant onmeundig geleefd in de VSA.

Joekelilles he'j in 4 moatn: sopraan, konsert, tenoor en bariton.

Stemming[bewark | bronkode bewarken]

Joekelilles zeent meestal estemd in GCEA, woerbie't, den C de bas-snoare is, en den G nen oktaaf verheugd is. Dit neumt ze ook wal C-stemming. Ne aandere stemming den't ook wal vake vuurkeump is BDF#A (D-stemming). Duurdet de snoarn al in n goodkleenkend akkoord estemd stoat, is t instrumeant rellatief makkelik te bespöln.

Joekelilles in Nedersaksië[bewark | bronkode bewarken]

In t Neersassiese gebeed zeent joekelilles nooit echt serieus duur edrungn. Net as in de rest van (Noord) Europa wörd t deenk meestal nit vuur vol an ezeen. n Bekeandsten Neersassiesen artiest den't wat met ne joekelikke dut is Daniël Lohues, den't dr regelmoatig ene in zinne nommers gebrok. Nen meender bekeandn was Harm oet Riessen, den't dr n heel versken an wiedn.

In Platduutslaand is t vuural Ina Müller den't bekeand is van nen vuurstelling saamn met Edda Schnittgard woerin't ze twee joekelilles gebroekt.

Bekeande spöllers[bewark | bronkode bewarken]

n Bekeandsten joekelillespöller was Israel Kamakawiwo'ole oet Hawaii. Den har wearldwied nen groten hit met t nommer Somewhere over the Rainbow/What a Wonderful World. In Neerlaand spölt kabaretjeare Brigitte Kaandorp in öare vuurstellings nog wal vake op ne joekelille. Ene den't aal mear bekeandheaid krig um zin ongekeande joekelilleverskes is Jake Shimabukuro.

In 2010 har de Amerikaanse band Train nen redeliken wearldhit met t nommer "Hey Soul Sister". Hierin neamp de joekelille nen belangrieken plek in.

In 2011 köm Eddie Vedder, n zänger van n bekeandn Amerikaansen band Pearl Jam met t solo-album Ukulele Songs, met doarop 16 nommers woerin't he zikzelf met eankelt ne joekelille begeleaidn dut.

Oetgoande koppeling[bewark | bronkode bewarken]


Wikimedia Commons Commons: Joekelille - plaetjes, filmkes en/of geluudsbestaanden.