Jenny Arean

Oet Wikipedie, de vraaie enzyklopedie
Gao naor: navigasie, zeuk
Jenny Arean (1972)

Jenny Arean (Lisse, 4 oktober 1942) is n Nederlandse zangeres, grappenmaakster en aktrise. Heur warkelike naam is Joanna Jenneke Josepha Klarenbeek.

Ze was enigst kiend van n kelner en n zangeres, Conny Renoir. Oek heur grootmoer was n zangeres (Henny Verra). Op heur veertiende zag ze n show bie Wim Sonneveld en sinsdien wou ze bie t kabaret. An t begin van de jaoren '60 zat ze bie t ABC-kabaret van Wim Kan en Corry Vonk. Op advies van Vonk veranderde ze der naam in Jenny Arean.

In de jaoren '60 had ze de heufdrol in de populaere tillevisiemusical (NCRV) "Er valt een ster" (1963) en "Vadertje Langbeen" (1964). In de jaoren zeuventig dee ze an verscheiene musicals mee, waoroender "En nu naar bed" (1971) van Annie M.G. Schmidt, en speulde ze n heufdrol in "Het meisje met de blauwe hoed" (1972), n tillevisiebewarking van t gelieknamige boek van Johan Fabricius. Daornaost dee ze in 1975 n kabaretprogramma "Scherts, satire, songs en ander snoepgoed" mit Robert Long, Dimitri Frenkel Frank en Jérôme Reehuis.

In 1977 had ze n hit samen mit Frans Halsema ezungen: "Vluchten kan niet meer", n duet uut de musical "En nu naar bed". Sinds de jaoren tachtig maakte ze soloprogramma's. Daornaost speult ze in verschillende musicals.

Arean was van 1963 tot 1973 etrouwd mit de akteur Huib Rooymans. t Stel kreeg n deren, Myra. Begin jaoren tachtig had Arean n relaosie mit Ischa Meijer die heur anmoedigde n soloprogramma uut te brengen. Ze speulde samen in vier theaterprogramma's.

Daornao het Arean n hele bult tv-programma's uutebrocht. Alleen, mar oek mit Lucretia van der Vloot, Willeke Alberti en are luui.

De veurbieje jaoren staot ze t bekendst um der rol in de tv-serie van 't Schaep: 't Schaep met de vijf Pooten, 't Vrije Schaap, 't Spaanse Schaep, 't Schaep in Mokum en 't Schaep Ahoy.

Uutgaonde verwiezing[bewark | bronkode bewarken]

Wikimedia Commons Commons: Jenny Arean - plaetjes, filmkes en/of geluudsbestaanden.


Nuvola apps ksig.png Dit artikel is eschreven in t West-Veluwse dialekt van Putten, in de Algemene Nedersaksiese Schriefwieze.