Jelmer Gussinklo
Jelmer Gussinklo (geboarn 14 januari 1982 Wenters, op egreujd in Iezerlo bi-j Aalten), is nen Nederlaandsen radioprissentator.
Hee begon as radiotechnikus veur et de NOB. Too Rob Stenders verhuzen van 3FM noar Yorin FM nam e Gussinklo met. Den kump doarmet dan ok geregeld op de radio. Hee maken onder meer ne Achterhookse parodie op et nummer Watskeburt van De Jeugd van Tegenwoordig. Ok was e te heurn as sidekick (dat wil zeggen: ko-prissentator, angevver, assistent-DJ) in et radioprogramma van Henk Westbroek.
Sund april 2006 werken hee als sidekick voor den radiozender Caz! in et programma Môgge Caz!. Op et ende van juni 2007 ging Jelmer Gussinklo weer vort bi-j Caz um producer te wodden van et programma Stenders Eetvermaak van Rob Stenders op 3FM. Vanof september 2010 is Gussinklo te heuren in de radioshows van Rob Stenders veur PowNed op 3FM
Samen met Leon Polman ging Jelmer in december 2007 de stried an um zovöl meugelek 'zelf' emaakte singels te verkopen veur et goode doel. Et nummer Dom, lomp en famous wodden um ezat in Klein, stoer en boer, en Aye van Dio ft. Sef wodden Boerûh
In januari 2006 leerdn Nederlaand Jelmer kennen as streaker: hee renden in de blote konte et veld op tiedens den wedstried Sparta-NEC.
|
Commons: Jelmer Gussinklo - plaatjes, filmkes en/of gelüüdsbestanden. |