Jan Pol
| Jan-Harm Pol | ||
 Dr. Pol in 2017
| ||
| Algemeyne informaty | ||
| Geboaren | 4 september 1942 | |
| Skuulname | Dr. Pol | |
| Land | Vereynigde Ståten | |
| Officiele websteade | ||
Jan-Harm Pol (Wateren, 4 september 1942) is en neaderlandsk-amerikånske derenarts dee vernöämd is üm syn rolle in de realitysery The Incredible Dr. Pol, uutsönden döär National Geographic Wild, dee et dagelikse wark up syn derenartspraktyk volgt.
Leavent un wark
[bewark | bronkode bewarken]Jan-Harm Pol wör as jungste van ses kinder geboaren in Wateren in et Drent, wår he opgroide up en melkveyholderye. Hee was vanof syn twålvde al med verskedene deren an gang un hevt dårnå derengeneaskünde studeerd an de Universiteet Utrecht. Vöär disse study is he syn vrouwe, Diane Dalrymple, al teagenkommen up en uutwisselen in Mayville, Michigan in de Vereynigde Ståten. In 1970 rondde he syn study af un in 1971 beslout he to vervaren når de Vereynigde Ståten umreaden et was in Neaderland to stuur en praktyk to begünnen.
Dr. Pol hevt sou eyrst teen jår up en praktyk warked in et ousten van Michigan, wårnå he in 1981 in Weidman, Michigan syn eygen praktyk begünde: Pol Veterinary Services. Dodestyds was he byname med ründer an gang, mår sünt dee tyd hevt syn lütje praktyk hüm ouk uutbreyded når paerden un huusderen.[1]
Vanof 2011 wör Dr. Pol nog vernöämder döär et begün van de realitysery The Incredible Dr. Pol. Syn söäne Charles kwam med et idea nå syn ervaringen in Hollywood; hee dacht dat et wark van syn vader perfekt was vöär en realityshow. Nå wat strübbelen bennen see såmen med en pilot verskedene sender by langs gån. Up et lätste hevt Nat Geo Wild de formüle oavernommen; de eyrste veer ofleaverings wassen en meråkels sukses. Sünt dee tyd is de sery döärsetted un uutsonden in 180 landen.[2]
Nå 23 seisonen oaver 13 jår wör up 6. july 2024 de lätste ofleavering uutsonden[3]. Intüsken blyvt Dr. Pol wal syn wark doon; syn praktyk blivt aktyv, un ouk blivt he hüm richten up et anpitjen van et vak van derenarts under de jonglüde.[4]
Privåtleavent
[bewark | bronkode bewarken]Jan Pol is trouwd med Diane Pol (boaren Dalrymple) in 1967 un see hebben såmen dree kinder; Kathy, Charles un Diane junior. Alle kinder bennen adopteerd.[5]
Dr. Pol spreaket wyder vloiend engelsk un neaderlandsk. Omreaden hee is upgroid in Drenthe, is neadersassisk ouk syn modertaal. Når eygen seggen, spreaket er nog al et stellingwarvsk.[6] Er lykt nog altyd groutsk up syn drentske afkomst. Sou nömt he hümsölv sumtyds noch en "drentske styvkop" in interviews.[7]
Media
[bewark | bronkode bewarken]- Book: Never Turn Your Back On Angus Cow: My Life As a Country Vet. 4 augüstüs 2015. Gotham Books
- Podcast: The Incredible Dr. Polcast. 4 january 2024. Apple Podcasts
Brunnen, nöyten en/of referentsys
|